Team My Pune City – वानवडी पोलिसांनी गुरुवारी ( Wanwadi Crime News ) धाड टाकून घरगुती गॅस सिलिंडरमधून रिकाम्या सिलिंडरमध्ये अवैधरित्या गॅस भरणाऱ्या दोघांना रंगेहाथ पकडले. या धोकादायक प्रकारामुळे नागरिकांच्या सुरक्षेला गंभीर धोका निर्माण झाला होता.
अटक करण्यात आलेल्या आरोपींची नावे पंकज किशनसिंग ठाकूर (20) आणि प्रवीण बंगालिराम कुमार (35) अशी आहेत. हे दोघे मूळचे फतेहाबाद, आग्रा (उत्तर प्रदेश) येथील ( Wanwadi Crime News ) रहिवासी असून सध्या मंजरी, पुणे येथे वास्तव्यास आहेत. सूर्यलोक नगरी सोसायटी, वैदवाडी, हडपसर परिसरात MH-12 LT 2028 या टेम्पोमध्ये ते गॅस भरण्याचे काम करत असताना पोलिसांनी त्यांना पकडले.
Nana Peth Murder : असा होता खुनाचा घटनाक्रम, नाना पेठेत आज कडक बंदोबस्त
पोलिसांच्या माहितीनुसार, आरोपी हे समिधा भारत गॅस एजन्सी येथे कर्मचारी आहेत. ते घरगुती गॅस सिलिंडरमधून प्रत्येकी सुमारे एक किलो गॅस विशेष तयार केलेल्या पाईप व रेग्युलेटरच्या साहाय्याने रिकाम्या सिलिंडरमध्ये हस्तांतरित करत होते. पोलिसांनी घटनास्थळावरून सुमारे 2 लाख 36 हजारांचा मुद्देमाल जप्त केला आहे.
Vadgaon Maval News : वारकरी संप्रदायातील कार्यकर्ते विजय वाघमारे यांचे निधन
ही कारवाई पोलिस कर्मचारी अमोल पीलाणे आणि चव्हाण यांना ( Wanwadi Crime News ) मिळालेल्या गोपनीय माहितीनुसार करण्यात आली. या प्रकरणात अत्यावश्यक वस्तू अधिनियम कलम 3 व 7 अंतर्गत गुन्हा नोंदविण्यात आला आहे. तपास एपीआय उमाकांत महाडिक हे वरिष्ठ अधिकारी पोलीस उपायुक्त डॉ. राजकुमार शिंदे, सहाय्यक पोलीस आयुक्त ज्ञानेश्वर गोडसे आणि वरिष्ठ पोलीस निरीक्षक सत्यजीत आदमणे यांच्या मार्गदर्शनाखाली करत आहेत.
पोलिसांनी नागरिकांना इशारा दिला आहे की, घरपोच मिळणाऱ्या एलपीजी सिलिंडरची तात्काळ तपासणी करावी. कुठलीही संशयास्पद गॅस भरण्याची हालचाल आढळल्यास लगेच पोलिसांना कळवावे. ज्वलनशील पदार्थांची अवैधरित्या हाताळणी केल्यास जीवितहानीचा मोठा धोका संभवतो, असेही ( Wanwadi Crime News ) पोलिसांनी स्पष्ट केले आहे.
