Team My Pune City –सावित्रीबाई फुले पुणे विद्यापीठातील ( Savitribai Phule Pune University) विविध शैक्षणिक विभागांमध्ये प्राध्यापक, सहयोगी प्राध्यापक आणि सहायक प्राध्यापक या पदांसाठी एकूण १११ जागांची भरती प्रक्रिया सुरू झाली आहे. इच्छुक उमेदवारांना ७ डिसेंबर २०२५ पर्यंत ऑनलाइन अर्ज करता येणार असून, अर्जाची प्रत व आवश्यक कागदपत्रे १२ डिसेंबरपर्यंत विद्यापीठ प्रशासनाकडे सादर करावी लागतील.
Bhide Bridge : भिडे पूल १५ नोव्हेंबरपर्यंत वाहतुकीसाठी खुला; पहिल्या टप्प्यातील काम पूर्ण
विद्यापीठाच्या कुलसचिव डॉ. ज्योती भाकरे यांनी ( Savitribai Phule Pune University) याबाबतचे परिपत्रक प्रसिद्ध केले आहे. यापूर्वी डिसेंबर २०२३ आणि सप्टेंबर २०२४ मध्ये जाहिरात प्रसिद्ध झाली होती, मात्र विविध कारणांमुळे भरती प्रक्रिया रखडली होती. त्यामुळे राज्यभरातील पात्र उमेदवारांमध्ये अस्वस्थता निर्माण झाली होती.
रिक्त पदांमुळे अध्यापन, संशोधन आणि प्रशासकीय कामकाजावर ( Savitribai Phule Pune University) परिणाम होत असल्याचे शिक्षणतज्ज्ञांचे मत आहे. तसेच विद्यापीठाच्या क्रमवारीवर आणि विद्यार्थ्यांच्या संख्येवरही त्याचा परिणाम झाल्याचे नमूद करण्यात आले आहे. या पार्श्वभूमीवर पात्रताधारक संघटनांनी आंदोलनही केले होते.
अलीकडेच उच्च व तंत्रशिक्षण विभागाने प्राध्यापक भरतीसंदर्भात नवे नियम जाहीर केले आहेत. त्यानुसार उमेदवारांच्या पात्रतेस २५ गुण आणि मुलाखतीस ७५ गुणांचे वजनमान निश्चित करण्यात आले आहे. काही तरतुदींमुळे अडचणी निर्माण होऊ शकतात, असे शिक्षणतज्ज्ञांचे मत असले तरी विद्यापीठाने नव्याने जाहिरात प्रसिद्ध करून प्रक्रिया सुरू केली ( Savitribai Phule Pune University) आहे.
पदनिहाय रिक्त जागा
- सहायक प्राध्यापक : ४७
- सहयोगी प्राध्यापक : ३२
- प्राध्यापक : ३२
- एकूण : ११
