Team MyPuneCity – आजचे पंचांग – १५.०४.२०२५ (Rashi Bhavishya 15 April 2025). आजचा दिवस- मंगळवार. शुभाशुभ विचार – विशाखा वर्ज्य.
आज विशेष – साधारण दिवस.
राहू काळ – दुपारी ३.०० ते ०४.३०.
दिशा शूल – उत्तरेस असेल.
आज नक्षत्र- विशाखा.
चंद्र राशी – तूळ २०.२७ पर्यंत नंतर वृश्चिक.
—————————-
मेष – ( शुभ रंग – मरून) Rashi Bhavishya 15 April 2025
आज तुमचे मनोबल उत्तम असल्याने कार्यक्षेत्रातील आव्हाने आत्मविश्वासाने स्वीकाराल. महत्त्वाचे निर्णय घेताना मात्र आज विधा मनस्थिती होणार आहे.
वृषभ ( शुभ रंग- राखाडी)
कार्यक्षेत्राध्ये ध्येयप्राप्तीसाठी मेहनत वाढवाल. आज कुणालाही काही सल्ले न देता फक्त स्वार्थ साधून घेण्यास प्राधान्य द्या. आज प्रयत्नांती परमेश्वर.
मिथुन – ( शुभ रंग- मोतीया)
आज तुमच्यासाठी उत्साह पूर्ण दिवस आहे. सर्व कामे विना व्यत्यय पार पडतील. आज एखादा नवीन विषय शिकून घेण्याचा तुम्ही प्रयत्न कराल.
कर्क – ( शुभ रंग – पांढरा)
आज तुम्ही कुटुंबीयांना तुमचा जास्तीत जास्त वेळ द्याल. मुले आज पालकांच्या अपेक्षा पूर्ण करतील. नवोदित कलाकारांना प्रयत्न वाढवावे लागतील.
Ram Katha: रामकथा माणसाला माणूस बनवते – साध्वी वैष्णवी दीदी
सिंह – ( शुभ रंग – जांभळा) Rashi Bhavishya 15 April 2025
आज तुम्हाला मोफत सल्लागार मंडळी बरेच भेटणार आहेत. ऐकाल जनाचे व कराल मात्र आपल्या मनाचे. प्रवासात काही नवीन नाती जुळतील. शेजारी गप्पागोष्टी होतील.
कन्या – ( शुभ रंग- निळा)
आर्थिक आवक मुबलक असेल. आज विरोधकही मैत्रीसाठी हात पुढे करतील. आज काही नाती गोड बोलूनच जपावी लागतील. शब्द जपून वापरा.
तूळ ( शुभ रंग- स्ट्रॉबेरी)
तुमचा उत्साह वाढवणाऱ्या काही घटना घडतील. इतरांच्या भांडणात यशस्वी मध्यस्थी कराल. आज वैवाहिक जीवनातील ही लज्जत वाढणार आहे.
वृश्चिक ( शुभ रंग-आकाशी)
आज दिवस खर्चाचा असताना बिनधास्त खर्च करा. गृहिणींना पूर्वीची बचत कामी येईल. तरुण मंडळी मॉलमधील ब्रँडेड वस्तूंची खरेदी करतील.
DehuRoad Crime News: वर्गणीच्या नावाखाली खंडणीची वसुली, एकास अटक
धनु – ( शुभ रंग – पिस्ता) Rashi Bhavishya 15 April 2025
आज दिवस लाभाचा असल्याने वाढत्या खर्चातही पैशाची उणीव भासणार नाही. आज आपला मोठेपणा जपण्यासाठी उदार मनाने खर्च कराल.
मकर – ( शुभ रंग – लाल)
उद्योग व्यवसायाच्या दृष्टीने आज अनुकूल दिवस. नवीन व्यावसायिकांच्या अथक प्रयत्नांना यश येईल. कार्यक्षेत्रात यशाची चढती कमान राहील.
कुंभ – (शुभ रंग- सोनेरी)
शासकीय कामात दिरंगाई होईल. अध्यात्मिक मार्गात असणाऱ्यांना एखादी दिव्य प्रचिती येईल. श्रद्धाळू गृहिणींचा यथाशक्ती दानधर्म चालूच राहील. सामान्य दिवस.
मीन ( शुभ रंग – चंदेरी)
व्यवसायात मर्यादेबाहेर आर्थिक उलाढाली आज टाळा. यंत्रावर कामे करणाऱ्यांनी आज आपल्या सुरक्षेची काळजी घ्यायला हवी. पत्नीचे सल्ले डावलू नका.
– जयंत कुळकर्णी
ज्योतिष व वास्तु शास्त्र सल्लागार
9689165424
