Team My Pune City – पुणे शहरातील नाना पेठ परिसरात (Pune)गुन्हे शाखेतील महिला पोलिस अधिकाऱ्यांना आरोपीला ताब्यात घेण्यासाठी गेले असता काही महिलांनी शासकीय कामात अडथळा निर्माण केल्याची घटना समोर आली आहे. या घटनेमुळे परिसरात मोठी खळबळ उडाली आहे.
या प्रकरणी फिर्यादी प्रियांका गोरे, महिला पोलीस उपनिरीक्षक, गुन्हे शाखा पुणे शहर असून आरोपी सोनाली आंदेकर व प्रियांका आंदेकर यांच्या सांगण्यावरून बेकायदेशीर जमाव जमवणाऱ्या तब्बल 12 ते 15 महिलांवर गुन्हा दाखल करण्यात आला आहे. हा गुन्हा समर्थ पोलीस ठाण्यात नोंद झाला आहे.
Pune: पुणे रिंग रोड प्रकल्पाचा पहिला टप्पा अंतिम टप्प्यात; शेतकऱ्यांना PMRDA कडून लवकरच भरपाई
Mangrul: मंगरूळ येथे अध्यात्मिक व सामाजिक उपक्रमाचे उत्साहात आयोजन
पोलिसांनी दिलेल्या माहितीनुसार, गुरुवारी (दि.18) दुपारी १२ वाजण्याच्या सुमारास सोनाई दादा निवास, नाना पेठ येथे घटना घडली. फिर्यादी अधिकारी आरोपी सोनाली आंदेकर हिला ताब्यात घेण्यासाठी तिच्या राहत्या घरी गेल्या. मात्र त्यावेळी महिलांनी तेथे बेकायदेशीर जमाव करून पोलिस अधिकाऱ्यांना तेथून निघून जाण्यास भाग पाडण्याचा प्रयत्न केला. शासकीय कामात अडथळा आणल्यामुळे या महिलांवर कारवाई करण्यात आली असून पोलिस पुढील तपास करत आहेत.
