Team My Pune City – गेल्या दोन दिवसांपासून ( Pune Rain Update) सातत्याने झालेल्या मुसळधार पावसामुळे पुणे जिल्ह्यातील धरणांचा जलसाठा झपाट्याने वाढला असून तो सरासरी 96 टक्कांवर पोहचला आहे. त्यामुळे अनेक धरणांतून पाण्याचा विसर्ग वाढविण्यात आला आहे. या पार्श्वभूमीवर नदीकाठच्या नागरिकांना सतर्क राहण्याचे आवाहन जलसंपदा विभाग तसेच पाटबंधारे खात्याकडून करण्यात आले आहे.
वरसगाव धरण –
सकाळी 8 वाजता वरसगाव धरणातून सुरू ( Pune Rain Update) असलेला 1276 क्युसेक विसर्ग वाढवून एकूण 3909.70 क्युसेक करण्यात आला आहे. यात सांडव्याद्वारे 3309.70 क्युसेक व विद्युत केंद्राद्वारे 600 क्युसेक असा विसर्ग नदीपात्रात सोडला जात आहे.
खडकवासला धरण – सकाळी 11 वाजता सुरू असणारा 4170 क्युसेक विसर्ग वाढवून 7561 क्युसेक करण्यात आला आहे.
कासारसाई धरण – 97.33% भरल्यामुळे 560 क्युसेक पाण्याचा विसर्ग सुरू करण्यात आला आहे. टेमघर धरण 97.74% क्षमतेने भरले असून हे धरण ( Pune Rain Update) द्वारविरहित असल्याने कधीही सांडव्यावरून अनियंत्रित विसर्ग सुरू होण्याची शक्यता वर्तविण्यात आली आहे. सध्या विद्युत निर्मिती केंद्राद्वारे 300 क्युसेक विसर्ग चालू आहे.
मुळशी धरण – हे धरण देखील 95% क्षमतेने भरले असून, आज दुपारी 12 वाजल्यापासून 5000 क्युसेक विसर्ग मुळा नदीत सोडण्यात येणार आहे, अशी माहिती टाटा पॉवरकडून देण्यात आली आहे.
Lonavala Rain : लोणावळ्यात मुसळधार पाऊस; पुढील ४८ तास रेड अलर्ट
पाऊस चालू असल्याने व धरण क्षेत्रात येवा वाढत असल्याने पुढील काही तासांत विसर्गात आणखी वाढ होऊ शकते. त्यामुळे नदीपात्रात कोणीही उतरू नये, शेतीतील पंप, साधने व जनावरे तात्काळ सुरक्षित ठिकाणी हलवावीत, असा इशारा प्रशासनाने दिला ( Pune Rain Update) आहे.
