Team My Pune City – गणेश विसर्जनाचा सोहळा सुरळीत, (Pune) सुरक्षित व पर्यावरणपूरक पार पाडण्यासाठी पुणे महानगरपालिकेकडून सर्व स्तरावर जय्यत तयारी करण्यात आली आहे. नदीकाठावरील विसर्जन घाटांची दुरुस्ती, रंगकाम, लोखंडी टाक्या, कृत्रिम विसर्जन हौद, निर्माल्य कलश, प्रकाशव्यवस्था, ध्वनिक्षेपक, स्वच्छता, औषधोपचार, कीटकनाशक फवारणी, अग्निशमन दलाची मदत, जीव रक्षक व सुरक्षारक्षकांची नेमणूक अशा सर्व बाबींचे काटेकोर नियोजन सुरू आहे.
शहरातील सर्व घाटांवर दिवसरात्र तीन पाळ्यांमध्ये अधिकारी व कर्मचारी तैनात केले असून नागरिकांच्या सुरक्षेसाठी जीव रक्षक व अग्निशमन दलाचे जवान सतत हजर राहणार आहेत. ज्या परिसरात नदी, तलाव किंवा विहिरी नाहीत अशा ठिकाणी लोखंडी टाक्या व कृत्रिम विसर्जन हौदांची सोय करण्यात आली आहे.
Vadgaon Maval Court : वडगाव मावळ न्यायालयाच्या अत्याधुनिक इमारतीच्या कामास मंजुरी; इमारत बांधणीसाठी १०९ कोटी ८ लक्षांचा निधी
Ganesh Visrajan : गणेश विसर्जनानंतर मुर्तींचे छायाचित्रण व प्रसारणास करता येणार नाही
घाट व विसर्जन हौद
शहरातील प्रमुख विसर्जन घाटांवर पुणे मनपाने मोठ्या प्रमाणावर सोयीसुविधा उपलब्ध करून दिल्या आहेत. अमृतेश्वर घाट, ओंकारेश्वर, वृद्धेश्वर, गरवारे कॉलेज, संगम घाट, ठोसरपागा, दत्तवाडी, वारजे स्मशानभूमी यांसह १५ घाटांवर अग्निशमन दलाकडून २४ तास सुरक्षा बंदोबस्त ठेवण्यात आला आहे. नदीपात्रात दोरखंड, लाईफ जॅकेट, ट्रॅफिक व्हेस्ट यांची विशेष सोय केली असून दररोज ९० जीव रक्षक तैनात केले आहेत. मध्यवर्ती केंद्रावर आणखी ३० राखीव जीव रक्षक सज्ज राहतील.
नदीकाठाबरोबरच शहरातील १५ क्षेत्रीय कार्यालयांतर्गत ३८ कृत्रिम विसर्जन हौद, ६४८ लोखंडी टाक्या व ३३८ निर्माल्य कलश उभारण्यात आले आहेत. तसेच नागरिकांच्या सोयीसाठी २४१ मूर्तिदान केंद्रे उपलब्ध करून देण्यात आली आहेत.
गौरी विसर्जनाच्या दिवशी एकाच दिवशी तब्बल १ लाख ३२ हजारांहून अधिक मूर्तींचे विसर्जन झाले. आतापर्यंतच्या सात दिवसांत १ लाख ८५ हजारांहून अधिक गणेशमूर्तींचे विसर्जन झाले आहे. पर्यावरणपूरक पद्धतीने विसर्जन करून नदीप्रदूषण टाळावे, असे आवाहन मनपाकडून करण्यात आले आहे.
