Team My Pune City – येरवडा मध्यवर्ती कारागृहातील (Pune)बराकीत झोपण्याच्या कारणावरून झालेल्या किरकोळ वादाचे रूपांतर शनिवारी रात्री मोठ्या हाणामारीत झाले. या घटनेत शिक्षा भोगत असलेल्या कैद्याला दोन न्यायालयीन कोठडीत असलेल्या कैद्यांनी खिळ्याने व ठोशांनी बेदम मारहाण केली. या प्रकरणी येरवडा पोलिसांनी दोघांविरुद्ध गुन्हा दाखल केला आहे.
मारहाण झालेल्या कैद्याचे नाव संजय भिकाजी कापडे (वय ५२) असे आहे. तर या प्रकरणी भरत विशाल राठोड आणि मोहम्मद गुलाब शेख या दोघांविरुद्ध गुन्हा नोंदवण्यात आला आहे. या संदर्भात वरिष्ठ कारागृह अधिकारी रेवणनाथ कानडे यांनी येरवडा पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, राठोड आणि शेख हे सध्या न्यायालयीन कोठडीत असून त्यांना अद्याप शिक्षा ठोठावण्यात आलेली नाही. तर संजय कापडे हे शिक्षा भोगत आहेत. रविवारी (7 सप्टेंबर) रात्री सव्वाआठच्या सुमारास बराकीत झोपण्यावरून कापडे, राठोड आणि शेख यांच्यात वाद निर्माण झाला. या वादाचे रुपांतर झटापटीत झाले आणि राठोड व शेख यांनी खिळ्याने कापडे यांच्यावर हल्ला केला. यावेळी त्यांच्या छातीत ठोसेही मारण्यात आले.
Pune Ganeshotsav : पुण्यात साडे सहा लाख गणेशमूर्तींचे विसर्जन; 876 टन निर्माल्य संकलन, मात्र मूर्ती दानात घट
MLA Sunil Shelke : टाकवे बु., फळणे, बेलज परिसरात आमदार सुनील शेळके यांचा “जनसंवाद” अभियान दौरा
हाणामारीची माहिती मिळताच कारागृह रक्षक घटनास्थळी दाखल झाले आणि परिस्थिती आटोक्यात आणली. कापडे यांना दुखापत झाल्याने कारागृहातील रुग्णालयात त्यांच्यावर उपचार करण्यात आले.
घटनेनंतर वरिष्ठ पोलीस निरीक्षक रवींद्र शेळके यांनी कारागृहास भेट दिली असून पुढील तपास सहायक पोलीस निरीक्षक विशाल टकले करीत आहेत.
