Team My Pune City – छत्रपती शिवाजी महाराजांच्या पुतळ्याची विटंबना करणाऱ्या तरुणाला पुणे ग्रामीण पोलिसांनी ( Pune Crime News) अटक केली आहे. उसाच्या शेतात लपून बसलेल्या तरुणाच्या पोलिसांनी मुसक्या आवळल्या आहेत.
Pimpri Chichwad Crime News 31 July 2025 : लाईफटाईम मेंबरशिपच्या आमिषाने २९ लाखांची फसवणूक
आरोपीने ऊस खाऊन आणि घोड्यांना दिलं जाणारं पाणी पिऊन 5 दिवस काढले असल्याची माहिती समोर आली आहे. अमित उर्फ अमीन पापा सय्यद असे अटक केलेल्या आरोपीचे नाव आहे. ( Pune Crime News) याप्रकरणी यवत पोलिस ठाण्यात गुन्हा दाखल आहे. ही घटना 27 जुलै रोजी सकाळी 7 वाजता पुणे जिल्ह्यातील यवत तालुक्यात घडली.
Poultryshed : पोल्ट्रीशेड नोंदणी अभियान मावळात वेगाने सुरू
पोलिसांनी दिलेल्या माहितीनुसार, यवत पोलिस ठाण्याच्या हद्दीत ( Pune Crime News) असलेल्या नीलकंठेश्वर मंदिराच्या गाभाऱ्यात छत्रपती शिवाजी महाराज यांचा सिंहासनावर असलेला एक प्लास्टर ऑफ पॅरिसचा पुतळा आहे. 27 जुलै रोजी आरोपीने याठिकाणी प्रवेश करत या पुतळ्याचे नुकसान केले होते.
घटनेची माहिती मिळताच पोलिसांनी घटनास्थळी धाव घेतली. या व्यक्तीचा शोध घेण्यासाठी यवत पोलिसांनी आणि स्थानिक गुन्हे शाखेचे पथकं तयार केले होते. तपासादरम्यान 31 जुलै रोजी संबंधित आरोपी हा यवत मधील एका उसाच्या शेतात लपल्याची माहिती पोलिसांना ( Pune Crime News) मिळाली.
