Team My Pune City – लक्ष्मीपूजनाच्या दिवशी हडपसरमधील( Pune Crime News) रामटेकडी भागात फटाके वाजवण्यावरून दोन गटांमध्ये झालेल्या हाणामारीत गंभीर जखमी झालेल्या तरुणाचा उपचारादरम्यान मृत्यू झाला. या प्रकरणी वानवडी पोलिसांनी एकाला अटक केली असून त्याच्या साथीदारांविरुद्ध गुन्हा दाखल करण्यात आला आहे.
MLA Sunil Shelke : मावळ मधील राजकीय समीकरणे बदलणार; मामा भाच्याचा ‘मिले सूर मेरा तुम्हारा’
मृत तरुणाचे नाव जितेंद्र परमेश्वर ठोसर (वय ३५, रा. रामटेकडी, हडपसर) असे आहे. शुक्रवारी पहाटे रुग्णालयात त्याचा मृत्यू झाला. पोलिसांनी खन्नासिंग अजितसिंग कल्याणी (वय ४५, रा. साईमंदिर, रामटेकडी) याला अटक केली असून, त्याच्यासोबत असलेल्या साथीदारांविरुद्ध गुन्हा दाखल करण्यात आला आहे. याबाबत प्राजक्ता अविनाश देडगे (वय २५) यांनी फिर्याद दिली( Pune Crime News) आहे.
पोलिसांच्या माहितीनुसार, फिर्यादींचा भाचा यश ठोसर (वय ३०) हा रामटेकडी भागात चायनीज खाद्यपदार्थाची गाडी लावतो. लक्ष्मीपूजनाच्या दिवशी पूजा करण्यासाठी ठोसर कुटुंबातील सदस्य तेथे जमले होते. त्यावेळी आरोपींपैकी एकाने पेटता फटका गाडीच्या दिशेने फेकला. गाडीजवळ तेल व सिलिंडर असल्याने यश ठोसर याने त्याला विरोध ( Pune Crime News) केला.
या वादातून आरोपी खन्नासिंग कल्याणी व त्याचे साथीदार हातात पाईप व धारदार शस्त्रे घेऊन आले. त्यांनी वंश ठोसर व जितेंद्र ठोसर यांच्यावर हल्ला केला. प्राजक्ता देडगे यांच्या सासू नीलावती व पती अविनाश यांनाही मारहाण करण्यात आली. गंभीर जखमी झालेल्या जितेंद्र ठोसर यांचा उपचारादरम्यान मृत्यू झाला.
दरम्यान, आरोपी खन्नासिंग कल्याणी यानेही परस्परविरोधी फिर्याद दाखल केली आहे. त्याच्या मुलगा व पुतण्याला ठोसर व देडगे कुटुंबीयांनी मारहाण केल्याचा आरोप त्याने केला आहे. या प्रकरणाचा तपास पोलीस उपनिरीक्षक बाळासाहेब वाकडे करत ( Pune Crime News) आहेत.
