Team My Pune City –पुण्यातील लुल्लानगर परिसरात मेफेड्रोनची विक्री करणाऱ्या(Pune ) एका २२ वर्षीय तरुणाला वानवडी पोलिसांनी अटक केली आहे. आरोपीकडून ६ ग्रॅम मेफेड्रोन, दुचाकी, आणि मोबाईल असा दोन लाख ७६ हजारांचा मुद्देमाल जप्त करण्यात आला आहे.
रोहन प्रकाश अंगारके (वय २२, रा. मार्केट यार्ड) असे अटक करण्यात आलेल्या तरुणाचे नाव आहे. वानवडी पोलिसांचे पथक लुल्लानगर परिसरात गस्त घालत होते. त्यावेळी रोहन हा मेफेड्रोनची विक्री करण्याच्या तयारीत असल्याची माहिती पोलीस कर्मचारी दीपक क्षीरसागर, अभिजित चव्हाण यांना मिळाली. पोलिसांनी सापळा लावून त्याला अटक केली.
त्याच्याकडून मेफेड्रोन, दुचाकी, मोबाइल संच असा मुद्देमाल जप्त करण्यात आला. या प्रकरणी वानवडी पोलीस ठाण्यात अमली पदार्थ विरोधी कायद्यानुसार गुन्हा दाखल करण्यात आला आहे. रोहन अंगारके हा नेमका कोणाला मेफेड्रोन विक्री करणार होता, तसेच त्याला अमली पदार्थ पुरवणारा कोण आहे, याचा तपास सध्या सुरू आहे.
Pune: भरतनाट्यम्‌ नृत्याविष्कारातून साकारले गीत रामायण
Sunil Shelke : सामाजिक उपक्रमांतून रोटरी सिटीचे काम कौतुकास्पद-आमदार सुनिल शेळके
पोलीस उपायुक्त डॉ. राजकुमार शिंदे, सहायक आयुक्त धन्यकुमार गोडसे यांच्या मार्गदर्शनाखाली वानवडी पोलीस ठाण्याचे वरिष्ठ पोलीस निरीक्षक भाऊसाहेब पाटील, गुन्हे शाखेचे पोलीस निरीक्षक विजयकुमार डोके, सहायक निरीक्षक उमाकांत महाडिक, पोलीस कर्मचारी दया शेगर, महेश गाढवे, अमोल पिलाणे, अतुल गायकवाड, बालाजी वाघमारे, गोपळ मदने, यतीन भोसले यांनी ही कारवाई केली.
