Team My Pune City – प्रवाशांच्या सुरक्षिततेला प्राधान्य देत पुणे महानगर परिवहन महामंडळाने (पीएमपीएमएल) मोठा आणि कडक निर्णय ( PMPML) घेतला आहे. बस चालकांनी ड्रायव्हिंग करताना मोबाईल किंवा हेडफोनचा वापर केल्यास तत्काळ निलंबनाची कारवाई करण्यात येणार असल्याचे आदेश जारी करण्यात आले आहेत.
Self-immolation : ग्रामसभेत अंगावर रॉकेल ओतून आत्मदहनाचा प्रयत्न
ही कारवाई 4 सप्टेंबर रोजी झालेल्या पीएमपीएमएल संचालक मंडळाच्या( PMPML) बैठकीत ठरविण्यात आली. या बैठकीत मा. प्रादेशिक परिवहन अधिकारी तथा संचालक, पीएमपीएमएल यांनी गंभीर बाब मांडली. काही चालक प्रवासादरम्यान मोबाईलवर बोलताना किंवा हेडफोन वापरताना आढळले असून, यामुळे प्रवाशांच्या जीवितास गंभीर धोका निर्माण होत असल्याचे त्यांनी निदर्शनास आणून दिले. इतकेच नव्हे तर एका घटनेत मोबाईलवर बोलत असलेल्या बसचालकाने स्वतःच्या वाहनाला अपघात घडवून आणल्याची बाबही समोर आली. यावर तीव्र नाराजी व्यक्त करत व्यवस्थापनाने तातडीने नियम कडक करण्याचा निर्णय घेतला.
नव्या आदेशांनुसार चालकांनी ड्युटीवर जाण्यापूर्वी मोबाईल फोन आपल्या ( PMPML) शेड्युलवरील वाहक सेवकाकडे जमा करणे बंधनकारक राहील. ड्युटी संपल्यानंतर मोबाईल परत करण्यात येईल. ड्युटी दरम्यान मोबाईल वा हेडफोनचा वापर करताना चालक आढळल्यास किंवा अशा तक्रारी प्राप्त झाल्यास संबंधित चालकावर तात्काळ निलंबनाची कारवाई केली जाणार आहे.
Announcement of Awards : अखिल भारतीय मराठी प्रकाशक संघाच्या पुरस्कारांची घोषणा
याशिवाय, पीएमपीएमएलच्या आगार व्यवस्थापकांना आपल्या आगारातील खाजगी बस पुरवठादारांच्या चालकांवरही या नियमांची अंमलबजावणी करण्याचे निर्देश देण्यात ( PMPML) आले आहेत.
पुणे महानगर परिवहन महामंडळ प्रशासनाने स्पष्ट केले आहे की, “प्रवाशांची सुरक्षितता हीच आमची पहिली जबाबदारी आहे. चालकांनी जबाबदारीने व नियमांचे पालन करून वाहन चालवावे. मोबाईल वा हेडफोनचा वापर ही निष्काळजीपणाची कृती असून ती अजिबात सहन केली जाणार नाही.”
या निर्णयाचे प्रवाशांकडून स्वागत होत असून, प्रवासादरम्यान सुरक्षिततेबाबतचा विश्वास वाढेल अशी अपेक्षा व्यक्त केली जात ( PMPML) आहे.
