Team My Pune City – साहित्यरत्न लोकशाहीर आण्णाभाऊ साठे यांच्या जयंतीनिमित्त ( PMPML) येणाऱ्या उद्या (शुक्रवारी) सारसबाग चौकातील त्यांच्या पुतळ्यास अभिवादन करण्यासाठी मोठ्या प्रमाणावर अनुयायी व नागरिकांच्या गर्दीची शक्यता वर्तवण्यात आली आहे. त्यामुळे या ठिकाणी होणाऱ्या वाहतूक बदलाचा विचार करून पुणे महानगर परिवहन महामंडळ लिमिटेड (पीएमपीएमएल) ने शहरातील अनेक महत्त्वाच्या बस मार्गांमध्ये तात्पुरते बदल करण्याचा निर्णय घेतला आहे.
Pune-Nashik Highway : नाशिक फाटा ते खेड एलिव्हेडेट कॉरिडॉर भूसंपादनासाठी राज्य सरकारचा निधी
सारसबाग, जेधे चौक व स्वारगेट परिसरात होणाऱ्या गर्दीमुळे व वाहतूक कोंडीमुळे या भागांत जाणाऱ्या बससेवांना पर्यायी मार्गाने वळवण्यात येणार असून, हे बदल मुख्यतः दुपारनंतरच्या फेरीत लागू होणार आहेत. विशेषतः जेधे चौक किंवा सारसबाग परिसरातील वाहतूक पूर्णतः बंद झाली, तर बस क्रमांक २, २अ, २ब, ३, ४, १०, ११, ११अ, ११क, १२, १३, १५, १७, २१, २६, ३०, ३७, ३८, ४१, ४२, ४७, ५०, ५२, ५२अ, ६०, ६४, ६४म, ६६, ६८, ६९, ७०, ७१, ७२, ७८, ८९, ९०, ९७, १०१, १०३, १११, १११म, ११७, ११८, ११८अ, १९९, २१६, २२७, २२७अ, २३१, २३२, २३३, २३३अ, २३३ब, २७९, २९७, २९८, २९९, ३३९ आणि ३५४ या मार्गांवरील बसेस लक्ष्मी नारायण टॉकीज कडून डावीकडे वळवून मित्र मंडळ चौक मार्गे चालवण्यात येणार आहेत.
याशिवाय, स्वारगेट येथील नटराज बस स्थानकाजवळील रस्ता बंद झाल्यास, या स्थानकातून निघणाऱ्या सर्व बसेस खंडोबा मंदिर आणि पर्वती पायथा मार्गे सुटतील. रस्ता पुन्हा सुरू झाल्यावर या मार्गांवरील बसेस नेहमीप्रमाणे नटराज स्थानकातूनच सुरु होतील.
Poultryshed : पोल्ट्रीशेड नोंदणी अभियान मावळात वेगाने सुरू
या पार्श्वभूमीवर पीएमपीएमएलने सर्व प्रवासी नागरिकांना आवाहन केले आहे की, त्यांनी वरील बदलांची नोंद घ्यावी आणि संभाव्य गैरसोयी टाळण्यासाठी पर्यायी मार्गांचा वापर करावा. परिवहन व्यवस्थेवर ताण कमी करण्यासाठी नागरिकांनी प्रशासनास सहकार्य करावे, असे आवाहन ( PMPML) करण्यात आले आहे.
