Team MyPuneCity -पत्नीला आणि मुलाला मारहाण केल्या प्रकरणी पतीसह तिघांवर गुन्हा दाखल करण्यात आला. ही घटना रविवारी (८ जून) दुपारी पाईट, खेड ( Pimpri Chinchwad Crime News 09 June 2025) येथे घडली.
उल्हास उर्फ सगुन तुकाराम डांगले (३१) यांनी याप्रकरणी महाळुंगे एमआयडीसी पोलीस ठाण्यात फिर्याद दिली आहे. त्यानुसार पाटीलबुवा तुकाराम डांगले, तुकाराम ज्ञानेश्वर डांगले आणि एक महिला यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी उल्हास यांचे भाऊ पाटीलबुवा आणि वडील तुकाराम यांच्यासोबत शेतीच्या वाटणीवरून भांडण झाले. त्या भांडणात पाटीलबुवा, तुकाराम आणि एका महिलेने उल्हास आणि त्यांच्या आईला शिवीगाळ करून बेदम मारहाण केली. तसेच ठार मारण्याची धमकी दिली.
Pimpri : एरोबिक जिम्नॅस्टिकच्या राष्ट्रीय पंचप्रशिक्षण वर्गात महाराष्ट्रासह सहा राज्यांचा सहभाग
जमिनीवर बेकायदेशीर ताबा घेणाऱ्या नऊ जणांना अटक ( Pimpri Chinchwad Crime News 09 June 2025)
जमिनीवर बेकायदेशीरपणे ताबा घेण्यासाठी आलेल्या ४० ते ५० जणांच्या जमावाने सहा जणांना बेदम मारहाण करून जखमी केले. ही घटना रविवारी (७ जून) दुपारी हिंजवडी येथे घडली. याप्रकरणी पोलिसांनी नऊ जणांना अटक केली आहे.
रोहित राजेंद्र गायकवाड, विकी प्रभाकर वर्तले, आकाश अर्जुन झोंबाडे, सागर एकनाथ गायकवाड, नितीश सुरेश सदाफुले, रियाज जीवन शेख, अनिकेत विलास काळे, जयेश मनानी नखाते, हितेश अनिल पाटील अशी अटक केलेल्या आरोपींची नावे आहेत. त्यांचा साथीदार प्रभाकर जांभुळकर याच्यासह ४० ते ५० जणांच्या जमावाच्या विरोधात गुन्हा दाखल करण्यात आला आहे. याप्रकरणी प्रदीप बबन भिंताडे (४२, कासारसाई, मुळशी) यांनी हिंजवडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी प्रदीप हे त्यांचे मित्र बाबासाहेब साखरे, जालिंदर जांभुळकर, सचिन घुले यांच्यासह त्यांच्या जागेत बसले होते. त्यावेळी ४० ते ५० जणांचा जमाव जागेचा बेकायदेशीरपणे ताबा घेण्यासाठी आला. जमावाला अडविण्यासाठी सुरक्षा रक्षक गेले असता दोन सुरक्षा रक्षकांना जमावाने मारहाण केली. त्यानंतर प्रदीप भिंताडे आणि त्यांच्या तीन मित्रांना देखील मारहाण करून जखमी केले. तसेच जागेमध्ये ठेवलेल्या कंटेनर मधील साहित्याची तोडफोड करून नुकसान केले.
