Team My Pune City – ऑनलाईन ट्रेडिंग अ‍ॅप ‘BlinkXpro’ च्या नावाखाली गुंतवणुकीचे (Pimpri Chinchwad)आमिष दाखवून एका फिर्यादीकडून तब्बल 54 लाख 50 हजार रुपयांची आर्थिक फसवणूक करण्यात आली. याप्रकरणी सायबर पोलिसांनी दिल्लीत छापा टाकत दोघा आरोपींना अटक केली आहे. या कारवाईत 5 एटीएम कार्ड, 1 चेकबुक, 2 मोबाईल फोन व 2 आरोपींना ताब्यात घेण्यात आले आहे.
सायबर पोलिसांच्या पथकाने दिल्ली येथे जाऊन सापळा रचला. त्या वेळी मुनमुन मंगलीराम जैन (42 वर्षे, व्यवसाय – कोचिंग क्लासेस, इंडूर, मध्य प्रदेश) आणि गणेश मुनमलचंद दोशी (28 वर्षे, व्यवसाय – मनीषी, रा. भद्रकाली मध्यप्रदेश) यांना अटक करण्यात आली. दोघांनी मिळून बनावट बँक खाती, फेक मोबाईल नंबर आणि बनावट कागदपत्रांच्या आधारे ही फसवणूक केल्याचे तपासात समोर आले आहे.
ही कारवाई सायबर पोलीस स्टेशन, पिंपरी चिंचवड यांच्याकडून करण्यात आली. अटक करण्यात आलेले आरोपी हे मध्य प्रदेश आणि दिल्ली येथील असून त्यांनी ऑनलाईन प्लॅटफॉर्मचा वापर करून मोठ्या प्रमाणात आर्थिक फसवणूक केल्याचे निष्पन्न झाले आहे.
PMPML: श्रावण महिन्यात शिवलिंग तीर्थक्षेत्र दर्शनासाठी पीएमपीएमएलची खास ‘पर्यटन बससेवा क्र.12’ सुरु
Ajit Foundation: अजित फाऊंडेशनला CSR अंतर्गत किराणा साहित्याची भरीव
पोलिसांनी दिलेल्या माहितीनुसार फिर्यादी यांनी ऑनलाईन प्लॅटफॉर्मवर ‘BlinkXpro’ या ट्रेडिंग अ‍ॅपबाबत जाहिरात पाहिली. त्यानंतर लिंकवर क्लिक करून गुंतवणूक करण्यास सुरुवात केली. सुरुवातीला 10 हजार च्या छोट्या रकमेच्या गुंतवणुकीवर नफा दाखवून मोठ्या रकमेच्या गुंतवणुकीस प्रवृत्त करण्यात आले. त्यानंतर हळूहळू 54 लाख 50000 रुपयांपर्यंत रक्कम ट्रान्सफर करण्यास भाग पाडले. मात्र नंतर आरोपींनी संपर्क बंद केला आणि फिर्यादीची फसवणूक झाल्याचे लक्षात आले.
या प्रकरणी सायबर पोलीस ठाण्यात गुन्हा नोंदवून सखोल तपास सुरू करण्यात आला. तपासादरम्यान पोलिसांना फसवणुकीच्या रकमांचा माग काढता आला आणि विविध बँक खात्यांचे तपशील मिळाले. आरोपी हे दिल्ली व मध्य प्रदेश येथून कार्यरत असल्याचे निष्पन्न झाल्यावर पोलिसांनी तातडीने दिल्लीला टीम पाठवली.
ही कारवाई पोलिस उपायुक्त (गुन्हे) डॉ. शिवाजी पवार, सहाय्यक पोलीस आयुक्त डॉ. संजय नायकवाड, वरिष्ठ पोलीस निरीक्षक सचिन सरदेसाई, पोलीस निरीक्षक महादेव इंगळे यांच्या मार्गदर्शनाखाली सायबर पोलीस स्टेशनचे निरीक्षक वैभव पाटील, पोलीस उपनिरीक्षक सागर पागणे व पथकाने मोलाची कामगिरी बजावली.
दिल्ली व मध्य प्रदेशातील सहकारी यंत्रणांच्या मदतीने ही कारवाई पार पडली असून आणखी आरोपी आणि आर्थिक व्यवहाराचा शोध घेतला जात आहे. या प्रकरणात आणखी काही बळी असल्याची शक्यता असल्याने सायबर पोलीस अधिक तपास करीत आहेत.
पोलिसांकडून नागरिकांना सतर्कतेचा सल्ला देण्यात आला असून अशा प्रकारच्या ऑनलाईन प्लॅटफॉर्मवर आकर्षक नफा दाखवणाऱ्या जाहिरातींना बळी न पडण्याचे आवाहन करण्यात आले आहे.
