Team My pune city – आगामी पिंपरी-चिंचवड महापालिका निवडणुकीसाठी( PCMC) प्रारुप प्रभाग रचना शुक्रवारी प्रसिद्ध करण्यात आली. त्यानुसार ३२ प्रभाग असून १२८ नगरसेवक असणार आहेत. प्रभाग क्रमांक नऊ हा सर्वाधिक लाेकसंख्येचा तर प्रभाग क्रमांक पाच हा सर्वात कमी लाेकसंख्येचा आहे. या प्रभाग रचनेवर चार सप्टेंबरपर्यंत हरकती घेता येणार आहेत.
महापालिकेत १३ मार्च २०२२ पासून प्रशासकीय राजवट आहे. आयुक्त हे प्रशासक म्हणून कामकाज पाहत आहेत. सर्वोच्च न्यायालयाने दिलेल्या निर्णयानुसार राज्यातील स्थानिक स्वराज्य संस्थेच्या निवडणुका घेण्यात येत आहेत. फेब्रुवारी २०१७ नंतर आता साडे आठ वर्षांनी महापालिकेची निवडणूक होणार आहे. महापालिकेची निवडणूक २०१७ प्रमाणेच चार सदस्यीय प्रभाग पद्धतीने होणार( PCMC) आहे.
Pune: वास्तू विशारद यांनी सर्व समावेशक विकास प्रकल्प सादर करावे – राजीव भावसार
सन २०११ च्या १७ लाख २७ हजार ६९२ लोकसंख्येप्रमाणेच प्रभाग रचना तयार केली आहे. तळवडे-चिखली भागातून प्रभाग रचना सुरू करून सांगवी-दापाेडी अशा उतरत्या क्रमाने पूर्ण केली. प्रगणक गट (ब्लॉक) जुळवून प्रभाग नकाशे बनविण्यात आले. त्यासाठी गुगल अर्थ मॅपचा आधार घेण्यात आला आहे. आवश्यतेनुसार प्रत्यक्ष स्थळ पाहणीही करण्यात आली.
Rashi Bhavishya 23 August 2025 : कसा जाईल आपला आजचा दिवस?
महापलिकेने पाच ऑगस्ट रोजी राज्याच्या नगरविकास विभागाला प्रभाग रचना सादर केली. नगरविकास विभागाने राज्य निवडणूक आयोगाला पाठविली. आयोगाने मान्यता दिल्यानंतर प्रारुप प्रभाग रचना प्रसिद्ध केली. महापालिका मुख्यालयाच्या आवारात ३२ प्रभागाचे ३२ नकाशे लावण्यात आले. फेब्रुवारी २०१७ च्या निवडणुकीप्रमाणेच प्रभाग रचना आहे.
हरकतींसाठी १४ दिवसांची मुदत
प्रभाग रचनेवर चार सप्टेंबरपर्यंत हरकती व सूचना स्वीकारण्यात येणार आहेत. त्यानंतर पाच ते १२ सप्टेंबर या कालावधीत सुनावणी घेतली जाणार आहे. १३ ते १५ सप्टेंबर दरम्यान सुधारणांसह अंतिम प्रारूप रचना नगर विकास विभागाला सादर केली जाणार आहे. तीन ते सहा ऑक्टोबर या कालावधीत राज्य निवडणूक आयोगाने अंतिम मंजुरी दिल्यानंतर महापालिका आयुक्त अंतिम प्रभागरचना प्रसिद्ध करणार आहेत.
शहरात १७ लाख ७५१ मतदार
२०११ च्या जनगणनेनुसार शहराची लाेकसंख्या १७ लाख २७ हजार ६९२ आहे. महापालिका निवडणुकीसाठी एक जुलै २०२५ पर्यंतची मतदार यादी ग्राह्य धरण्यात येणार आहे. त्यानुसार शहरात १७ लाख ७५१ मतदार आहेत. मतदार याद्या राज्य निवडणूक आयोगाकडून मागविण्यात आल्या आहेत. मतदार याद्या प्राप्त झाल्यानंतर त्या प्रभागनिहाय फोडल्या जातील, असे सहायक आयुक्त अविनाश शिंदे यांनी सांगितले.
असे असणार प्रभाग आरक्षण
महिला आणि पुरुष प्रत्येकी ६४, अनुसूचित जातीसाठी (एससी) २०, अनुसूचित जमाती (एसटी) तीन, इतर मागास प्रवर्ग (ओबीसी) ३५ आणि सर्वसाधारण (खुला) प्रवर्गासाठी ७० जागा राखीव असणार आहेत.
प्रभाग क्रमांक नऊ सर्वाधिक लाेकसंख्येचा
महापालिका निवडणुकीसाठी ३२ प्रभाग आहेत. प्रत्येक प्रभागात किमान ४९ ते कमाल ५९ हजार लाेकसंख्येचा असणार आहे. मासुळकर काॅलनी, खराळवाडी येथील प्रभाग क्रमांक नऊ हा सर्वाधिक ५९ हजार ३९० तर सर्वात कमी लाेकसंख्येचा प्रभाग क्रमांक पाच गवळीनगर, चक्रपाणी वसाहत ४९ हजार ४९ लाेकसंख्येचा आहे.
राज्य निवडणूक आयाेगाच्या मान्यतेनुसार महापालिका मुख्यालय, क्षेत्रीय कार्यालय आणि संकेतस्थळावर प्रारूप प्रभाग रचना प्रसिद्ध केली आहे. ३२ प्रभाग असून १२८ नगरसेवक असणार आहेत.
– शेखर सिंह, आयुक्त, पिंपरी-चिंचवड महापालिका.
अशी आहे प्रभागरचना…
प्रभाग क्रमांक १ – चिखली गावठाण भाग, पाटीलनगर, गणेशनगर, मोरेवस्ती भाग, सोनवणे वस्ती आदी
प्रभाग क्रमांक २ – चिखली गावठाण भाग, रिव्हर रेसिडन्सी, क्रिस्टल सिटी, स्वराज रेसिडन्सी, गंधर्व एक्सलन्स बनकर वस्ती, बोऱ्हाडेवाडी, जाधववाडी, राजे शिवाजीनगर, कुदळवाडी भाग आदी( PCMC)
प्रभाग क्रमांक ३ – मोशी गावठाण, गंधर्वनगरी, संत ज्ञानेश्वरनगर भाग, साई मंदिर परिसर, गोखले मळा,, वडमुखवाडी, काळजेवाडी, पठारेमळा, ताजणेमळा, चोवीसावाडी, चहोली. डूडूळगाव आदी
प्रभाग क्रमांक ४ – दिघी गजानन महाराज नगर, भारतमाता नगर, गायकवाडनगर, भंडारी स्कायलाईन, समर्थनगर, कृष्णानगर आदी, भाग २
प्रभाग क्रमांक ५ – रामनगर, तुकारामनगर, गुरुदत्त कॉलनी, गंगोत्रीपार्क, सावंतनगर, महादेवनगर, गवळीनगर, श्रीराम कॉलनी, ज्ञानेश्वर नगर, चक्रपाणी वसाहत आदी( PCMC)
प्रभाग क्रमांक ६ – धावडेवस्ती, भगत वस्ती, गुळवेवस्ती, चक्रपाणी वसाहत भाग, पांडवनगर, रोशल गार्डन, सद्गुरुनगर आदी
प्रभाग क्रमांक ७ – शितलबाग, सेच्युरी एन्का कॉलनी, सुविधा पार्क, आपटे कॉलनी, सॅन्डवीक कॉलनी, खंडोबामाळ, गव्हाणे वस्ती, भोसरी गावठाण, लांडेवाडी, शांतीनगर आदी
प्रभाग क्रमांक ८ – जय गणेश साम्राज्य, जलवायु विहार, केंद्रीय विहार, महाराष्ट्र कॉलनी, इंद्रायणीनगर, खंडेवस्ती, गवळीमाथा, बालाजीनगर आदी
प्रभाग क्रमांक ९ – टाटा मोटर्स, यशवंतनगर, विठ्ठलनगर, उद्मनगर, स्वप्ननगरी, अंतरीक्ष सोसायटी, अजमेरा सोसायटी, वास्तुउद्योग, मासुळकर कॉलनी, महिंद्रा रॉयल, खराळवाडी,( PCMC) गांधीनगर, नेहरूनगर आदी
प्रभाग क्रमांक १० – मोरवाडी, लालटोपीनगर, इंदीरानगर, सरस्वती विश्व विद्यालय, आंबेडकर कॉलनी, दत्तनगर, शाहूनगर, विद्यानगर, वृंदावन सोसायटी, संभाजीनगर आदी
प्रभाग क्रमांक ११ – नेवाळे वस्ती, हरगुडे वस्ती, कुदळवाडी भाग, कृष्णानगर, शरदनगर, कोयनानगर, महात्मा फुलेनगर, पुर्णानगर, घरकुल प्रकल्प, अजंठानगर, दुर्गानगर आदी
प्रभाग क्रमांक १२ – तळवडे गावठाण, एमआयडीसी आयटी पार्क, ज्योतिबा मंदिर परिसर, सहयोगनगर, रुपीनगर, त्रिवेणीनगर, ताम्हाणे वस्ती आदी
प्रभाग क्रमांक १३ – निगडी गावठाण, सेक्टर २२, ओटास्किम, म्हेत्रेवस्ती, यमुनानगर, माता अमृतानंदमयी मठ परिसर, श्रीकृष्ण दिर, साईनाथनगर आदी
प्रभाग क्रमांक १४ – चिंचवड स्टेशन, महावीर पार्क, मोहननगर, रामनगर, काळभोरनगर, शुभश्री सोसायटी, जयगणेश व्हिजन, विवेकनगर, विठ्ठलवाडी, बजाज ऑटो, दत्तवाडी, तुळजाईवस्ती आदी( PCMC)
प्रभाग क्रमांक १५ – आकुर्डी गावठाण, गंगानगर, वाहतूक नगरी, सेक्टर न २४, २५, २६, २७, २८, सिंधूनगर, परमार पार्क, स्वप्नपूर्ती सोसायटी, केंद्रीय वसाहत आदी( PCMC) प्रभाग क्रमांक १५ – आकुर्डी गावठाण, गंगानगर, वाहतूक नगरी, सेक्टर न २४, २५, २६, २७, २८, सिंधूनगर, परमार पार्क, स्वप्नपूर्ती सोसायटी, केंद्रीय वसाहत आदी
प्रभाग क्रमांक १६ – वाल्हेकरवाडी भाग, गुरुद्वारा, शिंदे वस्ती, रॉयल कासा सोसायटी, सेक्टर २९, नंदगिरी सोसायटी, विकासनगर, क्रिस्टल सिटी, मामुर्डी, किवळे आदी
प्रभाग क्रमांक १७ – दळवीनगर, प्रेमलोक पार्क, भोईरनगर, गिरीराज सोसायटी, रेलविहार सोसायटी भाग, शिवनगरी, बिजलीनगर आदी
प्रभाग क्रमांक १८ – एस के एफ कॉलनी, रस्टन कॉलनी, पवनानगर, वेताळनगर, चिंचवड गावठाण, केशवनगर तानाजीनगर, काकडे पार्क, मोरया राज पार्क आदी( PCMC)
प्रभाग क्रमांक १९ – विजयनगर, उद्योगनगर, सुदर्शननगर, श्रीधरनगर, आनंदनगर, भोईल कॉलनी, गावडे पार्क, भिमनगर, सम्राट अशोकनगर, भाटनगर, भाजी मंडई पिंपरी कॅम्प आदी
प्रभाग क्रमांक २० – विशाल थिएटर परिसर, एच ए कॉलनी, महेशनगर, संत तुकारामनगर, महात्मा फुलेनगर, वल्लभनगर, लांडेवाडी, कासारवाडी, कुंदननगर आदी
प्रभाग क्रमांक २१ – मिलिंदनगर, सुभाषनगर, गौतमनगर, आदर्शनगर, इंदिरानगर, शास्त्रीनगर, बलदेवनगर, गणेशनगर, जिजामाता रुग्णालय, संजय गांधीनगर, वैभवनगर, अशोक थिएटर, मासुळकर पार्क, पिंपरीगाव, तपोवन मंदीर आदी
प्रभाग क्रमांक २२- काळेवाडी विजयनगर, निर्मलनगर, आदर्शनगर, पवनानगर, ज्योतिबा नगर, नढेनगर आदी
प्रभाग क्रमांक २३ – प्रसुनधाम, गंगा आशियाना, कुणाल रेसिडेन्सी, स्विस काऊंटी, थेरगाव गावठाण, पडवळनगर भाग, अशोका सोसायटी, साईनाथनगर, समर्थ कॉलनी आदी( PCMC)
प्रभाग क्रमांक २४ – आदित्य बिर्ला रुग्णालय, दत्तनगर, पद्मजी पेपरमिल, गंगा ओशियन मिडोज, पडवळनगर, गणेशनगर, म्हतोबानगर, प्रथम सोसायटी, क्रांतीनगर, महाराष्ट्र कॉलनी, यशदा कॉलनी, गुजरनगर, मंगलनगर आदी
प्रभाग क्रमांक २५ – माळवाडी, पुनावळे, पंढारे वस्ती, काटेवस्ती, नवले वस्ती, ताथवडे, अशोकाकनगर, निंबाळकरगनर, भूमकरवस्ती, वाकड, काळा खडक, मुंजोबानगर, मानेवस्ती, भुजबळ वस्ती, वाकडकर वस्ती
प्रभाग क्रमांक २६ – पिंपळे निलख, विशालनगर, पार्कस्ट्रीट, कस्पटेवस्ती, अनमोल रेसिडेन्सी, धनराज पार्क, दत्तमंदिर, अण्णाभाऊ साठेनगर, वेणुनगर भाग, रक्षक सोसायटी आदी( PCMC)
प्रभाग क्रमांक २७ – तापकीरनगर, श्रीनगर, शिवतीर्थनगर, बळीराम गार्डन, रहाटणी गावठाण, सिंहगड कॉलनी, रायगड कॉलनी, लक्ष्मीबाई तापकीर शाळा परिसर, आकाशगंगा सोसायटी आदी( PCMC)
प्रभाग क्रमांक २८ – फाईव्ह गार्डन, शिवार गार्डन, प्लनेट मिलेनीयम, कापसे लॉन, रामनगर, पिंपळे सौदागर, कुणाल आयकॉन, गोविंद गार्डन आदी
प्रभाग क्रमांक २९ – कल्पतरु इस्टेट, क्रांतीनगर, काशिद पार्क, गगनगिरी पार्क, जवळकरनगर, शिवनेरी कॉलनी, गुलमोहर कॉलनी, ओंकार कॉलनी, गोकुळनगरी,( PCMC) भालेकरनगर, पिंपळे गुरव, सुदर्शननगर आदी
प्रभाग क्रमांक ३० – शंकरवाडी भाग, सरीता संगम सोसायटी, शास्त्रीनगर, केशवनगर, कासारवाडी भाग, कुंदन नगर भाग, फुगेवाडी, संजयनगर, दापोडी, सिद्धार्थ नगर, गणेशनगर, सुंदरबाग कॉलनी, एस टी वर्क शॉप आदी
प्रभाग क्रमांक ३१ – राजीव गांधीनगर, गजानन महाराज नगर, किर्ती नगर, विनायकनगर, गणेशनगर, कवडेनगर, गांगार्डनगर भाग, विद्यानगर, उरो रुग्णालय आदी
प्रभाग क्रमांक ३२ – सांगवी गावठाण, गंगानगर, आनंदनगर, मधूबन सोसायटी, ढोरेनगर, पवारनगर, शिंदेनगर, मुळानगर, लश्मीनगर, शितोळेनगर, पुष्पलता पार्क, कृष्णानगर. ( PCMC)
