Team My Pune City – गेल्या 24 तासांतील मुसळधार पावसामुळे (Pawana Dam)पवना धरणाचा जलसाठा झपाट्याने वाढून शंभर टक्के क्षमतेपर्यंत भरला आहे. सोमवारी (18 ऑगस्ट) धरण 98 टक्के भरलेले असताना, केवळ एका दिवसात साठ्यात तब्बल 2 टक्क्यांनी वाढ होऊन मंगळवारी (19 ऑगस्ट) संध्याकाळपर्यंत धरण पूर्ण क्षमतेला पोहोचले आहे.
धरण क्षेत्रात आज (मंगळवारी) 70 मि.मी. पावसाची नोंद झाली असून, पावसाळ्यापासून आतापर्यंत एकूण 2011 मि.मी. पाऊस झाला आहे. वाढत्या साठ्यामुळे प्रशासनाने धरणातून पाण्याचा विसर्ग वाढवला असून, सध्या जलविद्युत केंद्राद्वारे 1400 क्युसेक व सांडव्याद्वारे तब्बल 10 हजार 500 क्युसेक पाणी नदीपात्रात सोडले जात आहे. त्यामुळे एकूण विसर्ग 11 हजार 900 क्युसेक पर्यंत पोहोचला आहे.
Lonavala Rain : लोणावळ्यात मुसळधार पाऊस; पुढील ४८ तास रेड अलर्ट
दरम्यान, सततच्या पावसामुळे धरण परिसरातील जलसाठा वाढत असून, परिस्थितीवर प्रशासनाकडून बारकाईने लक्ष ठेवले जात आहे.
