Team My pune city – निगडी प्राधिकरणात शनिवारी (१९ जुलै) रात्री वृद्ध उद्योजकाला पिस्तूलाचा धाक दाखवत ( Nigdi robbery case ) हातपाय बांधून सहा लाखाचा ऐवज लुबाडून नेणार्‍या दरोडेखोरांचा दोन दिवस उलटल्यानंतर अद्यापही पोलिसांना मागमूस लागू शकलेला नाही. पोलिसांची दहा पेक्षा अधिक पथके दरोडखोरांच्या मागावर पाठवली आहेत.
PMPML : पुणेकरांसाठी पीएमपीएमएलकडून तीन नवीन बसमार्गांची सुरूवात
उद्योजक चंद्रभान अगरवाल (७६) यांनी निगडी पोलीस ठाण्यात फिर्याद दिली आहे. अगरवाल यांच्या घरात शिरलेल्या महिलेसह पाच दरोडेखोरांनी अगरवाल यांना पिस्तूल दाखवून त्यांचे हात-पाय बांधून तोंडाला चिकटपट्टी( Nigdi robbery case ) लावली.
दरोडेखोरांनी कपाटातील सोन्याच्या बांगड्या, नथ, चांदीची वीट आणि भांडी, सोनसाखळी, घड्याळे, रोकड आणि कागदपत्रे असा ६ लाख १५ हजार रुपयांचा ऐवज लुबाडून पळ काढला. तसेच, त्यांच्या बंगल्यालगत राहणार्‍या रखवालदारासह त्याच्या कुटूंबियांचेही हातपाय बांधून त्यांना ( Nigdi robbery case )खोलीत कोंडले.
Nutan Kamble : मुख्याध्यापिका नूतन कांबळे-घोलप यांचे निधन
या दरोडेखोरांच्या शोधासाठी स्थानिक पोलिसांसह गुन्हे शाखेची दहापेक्षा जास्त पथके रवाना झाली आहेत. मात्र, 48 तास उलटून गेल्यानंतर अद्यापही या दरोडेखोरांबाबत कोणतेही धागेदोरे पोलिसांच्या हाती लागेलेले ( Nigdi robbery case ) नाहीत.
