Team MyPuneCity – निगडी प्राधिकरणमध्ये हरित सेतू हा प्रकल्प चालू असून या प्रकल्पामुळे प्राधिकरणमध्ये भविष्यात येणाऱ्या समस्या अडचणी या विषयावर प्रकल्पाला विरोध व काही उपाययोजना सुचवण्यासाठी बैठक घेण्यात( Nigdi) आली.
या बैठकीत अनेक समस्यांवरती चर्चा करण्यात आली. त्यामध्ये प्रामुख्याने फुटपाथ मोठा केल्यास वाहतूक कोंडी होणार, फुटपाथ वर टपरीधारक, हातगाड्या येणार, सायकल ट्रॅक व वाहन पार्किंग बॉस्क मुळे होणारी वाहतूक कोंडी, फुटपाथवर बसण्यासाठी बाके बसवल्यामुळे अनैतिक प्रकार घडणार आहे. प्राधिकरणमध्ये नागरीभागांमध्ये सुद्धा हा प्रकल्प चालू होणार आहे, त्यामुळे या भागातील लहान रस्ता व अन्य मुख्य मोठ्या रस्त्यावरती एकच निर्णय कसा घेतला, या व अशा अनेक हरकती सुचवण्यात आल्या आहेत.
हा प्रकल्प शहरातील अनेक भागातील रस्त्यावरती वेगवेगळ्या नावांनी राबविण्यात आला आहे. त्यामध्ये अर्बन स्ट्रीट, स्मार्ट सिटी अंतर्गत रस्ते, हरित सेतू, आज अनेक भागात रस्त्यावरती वाहतूक कोंडी दिवसेंदिवस वाढतच आहे. त्यामध्ये प्रामुख्याने पिंपळे सौदागर, काळेवाडी, रहाटणी, जगताप डेअरी, वाकड, गुरु पिंपळे, सांगवी,नव्याने काम चालू असलेले दापोडी ते निगडी ,मुंबई पुणे रोडवरील महानगरपालिकेच्या समोर मोठी वाहतूक कोंडी होत आहे. त्यामुळे या सर्व भागातील वाहतूक कोंडीचा विचार करता हा हरित सेतू प्रकल्प प्राधिकरणमध्ये नको ( Nigdi) असाच सूर सर्व नागरिकांनी व्यक्त केला.
या प्रकल्पाविषयी काही निर्णय घेण्यात आले आहेत .त्यानुसार या प्रकल्पाच्या विरोधात प्राधिकरण वासीयांच्या सह्यांची मोहीम घेण्याचे नियोजन असून हे सह्यांचे पत्र व हरकती मागण्याचे निवेदन आयुक्तांना व संबंधित अधिकाऱ्यांना द्यायचे आहे.
आयुक्तांनी आप निवेदनावरती सकारात्मक तोडगा काढला नाही तर येणाऱ्या दिवसांमध्ये लोकांमध्ये जनजागृती करून न्यायालयामध्ये याचिका दाखल करणे, अशा अनेक प्रकारच्या मार्गांनी आंदोलन करण्याचे नियोजन यावेळी करण्यात आले.
आजच्या या बैठकीत प्राधिकरणमधील बरेच नागरिक, महिला,युवक उपस्थित होते. त्यामध्ये मा.महापौर आर एस कुमार,ज्येष्ठ नागरिक संघाचे अध्यक्ष आनंदराव मुळूक,पर्यावरण प्रेमी सूर्यकांत मुथियान, भाजपाचे बाळा शिंदे, अतुल इनामदार,राधिकाताई बोरलिकर, मनसेचे बाळा दानवले, ओंकार पाटोळे,राष्ट्रवादीचे निलेश शिंदे, स्वप्नपूर्ती सोसायटीचे अध्यक्ष रवींद्र हिंगे, श्रीधर दैठणकर, शर्मिलाताई महाजन, हेमंत पटवर्धन, गणेश बोरा, श्री चिंतामणी गणपती ट्रस्टचे विलास पाटणे, जगन्नाथ वैद्य, शिवसेनेचे राजिव मेनन, संघाचे जयेश मोरे, रमेश सरदेसाई, सुशांत बुचके,जी ए ढोरे, अनिल मळेकर, अमित कांबळे, मिलिंद रचपुत, गणेश जाधव,अजय मोरे, भागवत नागपुरे, रुद्र बैरागी, ऋषिकेश कांबळे, अनेक सोसायटीचे अध्यक्ष, सदस्य उपस्थित होते .कार्यक्रमाचे सूत्रसंचालन बाळा दानवले व शर्मिलाताई ( Nigdi) महाजन यांनी केले.
