Team My Pune City – माजी नगरसेवक वनराज आंदेकर(Nana Peth Crime News) यांच्या खुनाचा बदला घेण्यासाठी आंदेकर टोळीने नाना पेठेत उघडपणे गोळीबार करून गणेश कोमकर याचा मुलगा गोविंद उर्फ आयुष कोमकर खून प्रकरणी आंदेकर टोळीचा म्होरक्या सूर्यकांत उर्फ बंडू अण्णा आंदेकर याच्यासह अकरा जणांविरुद्ध समर्थ पोलीस ठाण्यात खुनाचा गुन्हा दाखल करण्यात आला आहे.
या प्रकरणी कल्याणी गणेश कोमकर यांनी फिर्याद दिली आहे. फिर्यादीत नमूद केल्यानुसार, खुनाचा कट बंडू आंदेकर, त्याचा मुलगा कृष्णा आंदेकर, पुतण्या शिवम आंदेकर, नातू स्वराज वाडेकर, तुषार वाडेकर, अभिषेक आंदेकर, शिवराज आंदेकर, वृंदावनी वाडेकर, लक्ष्मी आंदेकर, अमन युसुफ पठाण उर्फ खान, यश सिद्धेश्वर पाटील यांनी रचला.
पोलिसांच्या माहितीनुसार, शुक्रवारी संध्याकाळी साडेसातच्या सुमारास आयुष दुचाकीवरून घरी परतला. तो तळमजल्यावर दुचाकी लावत असताना आरोपी अमन खान व यश पाटील हे आधीपासून सोसायटीच्या आवारात दबा धरून बसले होते. त्यांनी आयुषवर पिस्तुलातून बेछूट गोळीबार करून जागीच ठार मारले. या गोळीबारामागे आंदेकर टोळीने रचलेला बदला असल्याचे स्पष्ट झाले आहे.
Chinchwad: विसर्जन मिरवणुकी दरम्यान चिंचवड मध्ये अपघात, दोघेजण गंभीर जखमी
Rashi Bhavishya 7 Sept 2025 : कसा जाईल आपला आजचा दिवस?
गेल्या वर्षी (१ सप्टेंबर २०२४ रोजी) माजी नगरसेवक वनराज आंदेकर यांचा गोळीबार व कोयत्याने वार करून खून करण्यात आला होता. या प्रकरणी गणेश कोमकर व त्याचे नातेवाईक यांच्यासह १६ जणांना अटक करण्यात आली होती. या घटनेनंतर आंदेकर टोळी व कोमकर गट यांच्यात वैर निर्माण झाले होते. त्याचाच हा थरारक प्रत्युत्तरात्मक खून असल्याचे प्राथमिक तपासातून समोर आले आहे.
समर्थ पोलीस ठाण्यात गुन्हा दाखल करण्यात आला असून गुन्हे शाखेचे पोलीस निरीक्षक चेतन मोरे यांच्याकडे तपास सोपविण्यात आला आहे. या हत्याकांडामुळे नाना पेठ परिसरात तणावाचे वातावरण असून पोलिसांनी चोख बंदोबस्त तैनात केला आहे.
