Team My Pune City – पिंपरी-चिंचवड शहर व चाकण औद्योगिक ( Metro) पट्ट्यासाठी महत्त्वाकांक्षी मानला जाणारा भक्ती-शक्ती ते चाकण मेट्रो मार्ग आता प्रत्यक्षात वेगाने आकार घेण्याच्या मार्गावर आहे. या प्रकल्पाचा सविस्तर प्रकल्प अहवाल (डीपीआर) महा-मेट्रोकडून सादर करण्यात आला असून, फुगेवाडी येथे झालेल्या महत्त्वपूर्ण बैठकीत याबाबत चर्चा झाली.
Dagadusheth Ganpati : ‘दगडूशेठ’ बाप्पाला १३३ लीटर संत्र्याच्या आईस्क्रीमचा नैवेद्य
या बैठकीला विधानसभेचे उपाध्यक्ष अण्णा बनसोडे, खासदार श्रीरंग बारणे, आमदार महेश लांडगे, मनपा आयुक्त शेखर सिंह, महा-मेट्रोचे व्यवस्थापकीय संचालक श्रावण हार्डीकर यांच्यासह वरिष्ठ अधिकारी उपस्थित होते. परंतु या चर्चेत आमदार शंकर जगताप यांनी घेतलेली ठाम भूमिका व सक्रिय सहभाग विशेषतः ठळकपणे जाणवला.
शंकर जगताप यांचा पुढाकार
शहराच्या सातत्याने वाढणाऱ्या लोकसंख्येचा ( Metro) व वाहतुकीवरील वाढत्या ताणाचा विचार करता मेट्रो ही काळाची गरज असल्याचे स्पष्ट करत आमदार शंकर जगताप यांनी या मार्गाला लवकरात लवकर मंजुरी व निधी उपलब्ध व्हावा यासाठी सातत्याने पाठपुरावा केला आहे. उद्योगनगरी चाकणला थेट मेट्रोद्वारे जोडले जाणे ही शहरासाठी ऐतिहासिक पायरी असल्याचे त्यांनी अधोरेखित केले.
यावेळी त्यांनी विशेष मुद्दा उपस्थित केला की, भविष्यातील नागरीकरण आणि प्रवाशांची वाढती संख्या लक्षात घेऊन डीपीआरमध्ये (सविस्तर प्रकल्प अहवालात) सुधारणा करून तीन डब्यांच्या ऐवजी सहा डब्यांच्या मेट्रो गाड्या ठेवाव्यात. तीन कार ऐवजी सहा कार असलेल्या मेट्रो गाड्यांची आवश्यकता स्पष्ट करत आमदार शंकर भाऊंनी संबंधित अधिकाऱ्यांना त्यानुसार सुधारणा करण्याची सूचना दिली.
Prashant Dada Bhagwat : इंदोरी- वाड्यावस्त्यांवर प्रशांत दादा भागवत यांना उत्स्फूर्त प्रतिसाद
मेट्रो मार्ग व वैशिष्ट्ये ( Metro)
- एकूण अंतर : ४२ किमी
- मार्ग : भक्ती-शक्ती चौक → मुकाई चौक → भुजबळ चौक → नाशिक फाटा → चाकण
- एकूण स्थानके : ३१
- काही मार्गावर बीआरटीएस आणि मेट्रोचे संयुक्त नियोजन
- २०३१ मध्ये अपेक्षित प्रवासी संख्या : ३.३८ लाख
- २०६१ पर्यंत प्रवासी संख्या जवळपास ७.८० लाख होणार
पिंपरी-चिंचवडच्या विकासासाठी नवी दिशा
सध्या ३० लाखांहून अधिक लोकसंख्या ( Metro) असलेल्या पिंपरी-चिंचवडला चाकण औद्योगिक पट्ट्यासह मेट्रोने जोडल्यास रोजगार, उद्योग व दळणवळण क्षेत्रात नवे पर्व सुरू होईल. वाहतुकीवरील ताण कमी होऊन नागरिकांच्या दैनंदिन प्रवासाला मोठा दिलासा मिळेल.
बैठकीत उपस्थित मान्यवरांनी या प्रकल्पाचा वेग वाढविण्याची गरज मान्य केली. त्यात आमदार शंकर जगताप यांनी केलेली ठाम मांडणी, तसेच तीन डब्यांच्या ऐवजी सहा डब्यांची मेट्रो ठेवण्याचा दूरदृष्टीपूर्ण सल्ला यामुळे या मेट्रो मार्गाला गती मिळण्याची शक्यता आणखी दृढ झाली आहे.
भक्ती-शक्ती ते चाकण मेट्रो मार्ग पूर्ण झाल्यास पिंपरी-चिंचवड व पुणे महानगर प्रदेशासाठी ही एक क्रांतिकारी पायरी ठरणार ( Metro) आहे.
