Team MyPuneCity – दिव्या देशमुख ही महाराष्ट्रातील एक तरुण आणि प्रतिभावान बुद्धिबळपटू आहे. सोमवारी (२८ जुलै २०२५) तिने जॉर्जिया देशातील बटुमी शहरात पार पडलेल्या फिडे महिला वर्ल्ड कपमध्ये एका निर्णायक चालीनं भारतीय बुद्धिबळाच्या इतिहासात सुवर्णाक्षरांनी नोंद केली. टाय-ब्रेकरमधील दुसऱ्या रॅपिड गेममध्ये तिने भारताच्या आंतरराष्ट्रीय ख्याती असलेल्या ग्रँडमास्टर कोनेरू हम्पीचा पराभव करत वर्ल्ड कप जिंकणारी सर्वात तरुण भारतीय महिला बुद्धिबळपटू (Grand Master Divya Deshmukh) बनण्याचा मान पटकावला.
दिव्याची ही कामगिरी अतिशय उल्लेखनीय आहे, कारण ती केवळ १९ वर्षांची असूनही तिने जवळपास तिच्याहून दुप्पट वयाच्या आणि भारतीय बुद्धिबळात अनेक वर्षे अधिराज्य गाजवणाऱ्या कोनेरू हम्पीला नमवले. अंतिम विजयाचा क्षण (Grand Master Divya Deshmukh) आला तेव्हा दिव्याच्या डोळ्यांतून आनंदाश्रू वाहू लागले आणि ती भावुक होऊन थेट आपल्या आईच्या कुशीत शिरली. हा क्षण तिच्या आयुष्यातील आणि भारतीय बुद्धिबळातील एक अविस्मरणीय क्षण ठरला.
या विजयामुळे दिव्या देशमुख ही ग्रँडमास्टर (Grand Master Divya Deshmukh) किताब मिळवणारी चौथी भारतीय महिला ठरली आहे. याआधी कोनेरू हम्पी, हरिका द्रोणावल्ली आणि आर. वैशाली या भारतीय महिला ग्रँडमास्टर्सपदी विराजमान झाल्या आहेत.
Vadgaon Maval: प्रधानमंत्री आवास योजनेअंतर्गत वडगाव मावळ येथे घरकुल आदेश व चावी वाटपाचा भव्य सोहळा
दिव्या देशमुखविषयी थोडक्यात :
- वय : १९ वर्षे
- गृहस्थळ : नागपूर, महाराष्ट्र
- सामाजिक ओळख : प्रतिभावान बुद्धिबळपटू, भारताची उगवती स्टार
- महत्वाची कामगिरी : २०२५ फिडे महिला वर्ल्ड कप विजेती
- उल्लेखनीय विजय : अनुभवी कोनेरू हम्पीला पराभूत करून विश्वविजेतेपद
दिव्याने बुद्धिबळात केवळ विजेतेपदच मिळवलं नाही, तर नव्या पिढीला प्रेरणादायी ठरणारा आदर्शही घालून दिला आहे. तिच्या या यशाबरोबरच संपूर्ण देशात तिचं भरभरून कौतुक होत आहे. भारतीय बुद्धिबळाच्या इतिहासात हा एक नवा अध्याय ठरावा, अशीच दिव्याची कामगिरी आहे.
