Team MyPuneCity – सातारा शहरासह जिल्ह्यातील विविध पोलिस ठाण्यांत गंभीर गुन्हे दाखल असलेल्या लखन पोपट भोसले (वडगाव, ता. खटाव, जि. सातारा) याचा पुणे जिल्ह्यातील शिक्रापूर येथे एन्काऊंटर (Lakhan Bhosale Encounter) झाला.
28 ऑगस्ट रोजी त्याने सातारा शहरात भर दिवसा चाकूचा धाक दाखवून एका महिलेचे दागिने चोरले होते. त्या गुन्ह्यात त्याला अटक करण्यासाठी आलेल्या सातारा पोलिसांवर लखन याने शिक्रापूर येथे हल्ला केला. पोलिसांनी बचावासाठी केलेल्या गोळीबारात लखन ठार (Lakhan Bhosale Encounter) झाला.
Gauri Avahan: गौरी आवाहन स्थापनेसाठी रविवार, ३१ ऑगस्ट रोजी ‘हे’ आहेत विशेष शुभमुहूर्त
लखन हा पोलीस रेकॉर्डवरील सराईत गुन्हेगार आहे. त्याच्यावर पुसेगाव, वडूज, फलटण शहर, शाहूपुरी, कोरेगाव, विटा, सातारा, दहिवडी, सांगली जिल्ह्यातील कडेगाव पोलीस ठाण्यांमध्ये तेरा गंभीर गुन्हे दाखल आहेत. 28 ऑगस्ट रोजी दुपारी साडेतीन वाजताच्या सुमारास लखन आणि त्याच्या साथीदारांनी सातारा शहरात रस्त्याने पायी चालत जात असलेल्या एका महिलेवर हल्ला केला. चाकूचा धाक दाखवून तिच्या गळ्यातील सोन्याचे दागिने चोरून नेले.
याबाबत सातारा शहर पोलीस ठाण्यात गुन्हा दाखल करण्यात आला. यानंतर सातारा पोलीस आरोपींचा शोध घेत होते. आरोपी पुणे जिल्ह्यातील शिक्रापूर येथील मलठण फाटा येथे असल्याची माहिती पोलिसांना मिळाली. 28 ऑगस्ट रोजी झालेल्या गुन्ह्यातील आरोपी अमोल दौलप्पा केरे आणि लखन भोसले हे दोघेजण आढळून आले. त्यांना पकडण्यासाठी पोलीस गेले असता आरोपी पळून जाऊ लागले. पोलिसांनी आरोपींचा पाठलाग केला. त्यादरम्यान लखन भोसले याने सातारा पोलीस दलातील हवालदार सुजित भोसले आणि हवालदार तुषार भोसले यांच्यावर चाकूने वार केले.
या हल्ल्यात सुजित यांच्या छातीवर आणि हातावर तर तुषार यांच्या हातावर गंभीर दुखापत झाली. पोलिसांनी बचावासाठी लखन याच्यावर फायरिंग केली. यामध्ये लखनच्या कमरेला गोळी लागली. जखमी पोलीस आणि आरोपी लखन यांना एका खाजगी रुग्णालयात दाखल करण्यात आले. तिथून लखन याला शिक्रापूर ग्रामीण रुग्णालयात दाखल केले असता त्याचा मृत्यू (Lakhan Bhosale Encounter) झाल्याचे डॉक्टरांनी सांगितले.
