Team My Pune City – मराठी पत्रकार संघाच्या (Devendra Fadnavis)वतीने महाराष्ट्राचे मुख्यमंत्री देवेंद्र फडणवीस यांच्या उल्लेखनीय कार्याचा गौरव करण्यासाठी ‘फिनिक्स – विशेष सन्मान सोहळा’ आयोजित करण्यात आला आहे. हा भव्य कार्यक्रम सोमवार, ८ सप्टेंबर २०२५ रोजी दुपारी ३.३० वाजता नरिमन पॉईंट येथील यशवंतराव चव्हाण सेंटरमध्ये पार पडणार आहे.
या सोहळ्याचे वैशिष्ट्य असे की, जगप्रसिद्ध अध्यात्मिक गुरू गुरुदेव श्री श्री रविशंकर यांच्या हस्ते मुख्यमंत्री फडणवीस यांचा विशेष सन्मान करण्यात येणार आहे. याच प्रसंगी ‘फिनिक्स’ या व्हिडिओ बुकचे प्रकाशनही होणार असून, मुख्यमंत्री फडणवीस यांच्या राजकीय वाटचालीतील प्रेरणादायी कार्य व योगदानाचे दर्शन या व्हिडिओ बुकमधून घडणार आहे.
Pune Ganpati Visarjan 2025: ‘गणपती बाप्पा मोरया… पुढच्या वर्षी लवकर या’ च्या जयघोषात व ढोल-ताशांच्या गजरात मानाच्या गणपतींना भावूक निरोप
Bhaje Maval: श्री शिवाजी उदय मित्र मंडळ भाजे गणेशोत्सव मंडळाचा आकर्षक देखावा
मराठी पत्रकार संघाचे प्रदेशाध्यक्ष किरण जोशी यांनी या कार्यक्रमाबाबत माहिती देताना सांगितले की, “मुख्यमंत्री देवेंद्र फडणवीस यांनी महाराष्ट्राच्या राजकारणात आणि प्रशासनात केलेले कार्य नवे पर्व उभे करणारे ठरले आहे. त्यांचा उत्साह, प्रामाणिकपणा आणि नेतृत्वगुण यांची दखल घेत मराठी पत्रकार संघाने हा विशेष सन्मान सोहळा आयोजित केला आहे.”
या सोहळ्याला सामाजिक, सांस्कृतिक, राजकीय तसेच पत्रकारिता क्षेत्रातील अनेक मान्यवर उपस्थित राहणार आहेत.
