Team MyPuneCity -ऊर्जा सेवांचा कमी वापर करून किंवा ऊर्जा अधिक कार्यक्षमतेने वापरून ऊर्जा संरक्षणासाठी जागतिक स्तरावर विविध प्रयत्न केले जात आहेत. अशा प्रयत्नांचा उद्देश म्हणजे एकूण ऊर्जा वापरात कपात करणे.
उद्योगांनी या दिशेने अधिक प्रयत्न करावेत यासाठी, क्वालिटी सर्कल फोरम ऑफ इंडिया ( क्यू.सी.एफ.आय ) पुणे शाखेच्या वतीने “ऊर्जा संरक्षण स्पर्धा २०२५” या विषयावर स्पर्धा आयोजित करण्यात आली. या स्पर्धेत केस स्टडीचे सादरीकरण, घोषवाक्य व पोस्टर स्पर्धेचे आयोजन करण्यात आले. सहभागी स्पर्धकांनी पारंपारीक उर्जे ऐवजी सोलर , पवनचक्की आदी पर्यायी ऊर्जा स्तोत्राचा वापर कसा करता येवू शकतो याबाबतीत केस स्टडी सादरीकरणात आपली मनोगते मांडली.
PCMC:पिंपरी चिंचवड महानगरपालिकेचे ‘सावली’ बेघर निवारा केंद्र ठरले राज्यात सर्वोत्कृष्ट
सदर स्पर्धा हायब्रिड पद्धतीने आयोजित करण्यात आली. क्वालिटी सर्कल एक्सलन्स सेंटर भोसरी, येथे प्रत्यक्ष सादरीकरण पार पडले. २ जून रोजी ऑनलाइन सादरीकरण होणार आहे.
या स्पर्धात २२ संस्थांमधून १५१ सहभागी उपस्थित होते. केस स्टडी, घोषवाक्य व पोस्टर या श्रेणींत ७२ नामांकन प्राप्त झाले होते.
कार्यक्रमाचे उद्घाटन प्रमुख पाहुणे क्यू.सी.एफ.आय चे राष्ट्रीय अध्यक्ष अविनाश मिश्रा, विशेष अतिथी क्यू.सी.एफ.आय चे कार्यकारी संचालक दिनेश कुमार श्रीवास्तव , क्यू.सी.एफ.आय प्रेसिडेंट एमेरिटस सतीश काळोखे आणि क्यू.सी.एफ.आय च्या संचालिका डॉ. रजनी इंदुलकर यांच्या हस्ते दीप प्रज्वलन करून कार्यक्रमाची सुरुवात करण्यात आले.
क्यू.सी.एफ.आय पुणे विभागीय परिषदेचे सदस्य संजीव शिंदे, डॉ. अजय फुलंबरकर, अनंत क्षीरसागर, भूपेश माल, धनंजय वाघोलीकर व परवीन तरफदार यांची ही कार्यक्रमाला उपस्थित होते.
केस स्टडीचे परीक्षण अनंत क्षीरसागर, भूपेश माल, वेंकटेश पेड्डी आणि प्रशांत मुदलवडकर यांनी केले तर घोषवाक्य व पोस्टरचे परीक्षण परवीन तरफदार व धनंजय वाघोलीकर यांनी केले.
कार्यक्रमाचे आयोजन रहीम मिर्झाबेग, प्रशांत बोराटे आणि चंद्रशेखर रुमाले यांनी केले तर कार्यक्रमाचे सूत्रसंचालन विजया रुमाले यांनी केले.
