Team MyPuneCity – आळंदी शहर व परिसरात मंगळवारी विजेच्या कडकडाटासह झालेल्या अवकाळी पावसामुळे (Alandi Rain) जनजीवन विस्कळीत झाले. संध्याकाळच्या सुमारास झालेल्या या पावसामुळे देहूफाटा रस्त्यावर तसेच डुडुळगाव येथे मोठ्या प्रमाणात पाणी साचले होते. पावसाचे पाणी वडगाव रस्ता, मरकळ रस्ता आणि चाकण रस्त्यावरूनही वेगाने वाहू लागल्याने वाहतुकीस अडथळा निर्माण झाला.
पाण्याच्या प्रवाहामुळे दुचाकी आणि चारचाकी वाहनचालकांना सावधगिरीने संथ गतीने मार्गक्रमण करावे लागत होते. काही ठिकाणी रस्त्यावरून मातीही वाहून आली असून त्यामुळे अपघाताची शक्यता वाढली आहे.
Pimpri-Chinchwad: इंद्रायणी- पवना संवर्धनासाठी सरकार कटीबद्ध ;राज्यमंत्री माधुरी मिसाळ यांचे आश्वासन
शहरातील अनेक ठिकाणचे गटारांचे चेंबर्स तुंबले (Alandi Rain) असून त्यातून अस्वच्छ पाणी रस्त्यावर वाहत आहे. त्यामुळे दुर्गंधी पसरली असून रस्ते साफसफाई आणि गटार चेंबर उघडण्याची मागणी नागरिकांकडून जोर धरत आहे.
दरम्यान, संध्याकाळच्या वेळेस इंद्रायणी नदी मोठ्या प्रमाणावर फेसाळलेली दिसून आली. नदीतील हे फेस जलप्रदूषणामुळे निर्माण झाल्याचा अंदाज व्यक्त होत असून या घटनेचे व्हिडिओ सोशल मीडियावर मोठ्या प्रमाणावर व्हायरल झाले आहेत.
Covid-19 : हाँगकाँग-सिंगापूरमध्ये कोरोनाचं संकट वाढलं, भारतात 58 नव्या रुग्णांची नोंद
या प्रकारामुळे प्रशासनाच्या कार्यक्षमतेवर प्रश्नचिन्ह निर्माण झाले असून, पर्यावरणप्रेमींसह नागरिकांकडून नदी स्वच्छतेबाबत (Alandi Rain) ठोस पावले उचलण्याची मागणी होत आहे.
