Team MyPuneCity – मुंबई – बेंगळूर महामार्गावर बावधन येथील चांदणी चौक येथे गुरुवारी (१२ जून) रात्री साडेआठच्या सुमारास भीषण अपघात( Bavdhan Accident News) झाला. यात कंटेनर ट्रेलरच्या चालकाचा जागीच मृत्यू झाला. ट्रेलरमधील लोखंडी पाईप केबिनवर आदळल्याने ही दुर्घटना घडली.
Kabaddi Player Assaulted : कबड्डीपटू युवतीवर अत्याचार प्रकरणी तिघांना अटक
पोलिसांनी दिलेल्या माहितीनुसार, लोखंडी पाईप असलेला एक कंटेनर ट्रेलर साताऱ्याच्या दिशेने जात होता. त्यावेळी कंटेनर च्या समोर अचानक एक वाहन आले. त्यामुळे कंटेनर चालकाने अचानक ब्रेक दाबला. अचानक ब्रेक दाबल्याने कंटेनर मधील लोखंडी पाईप कंटेनरच्या केबिनमध्ये घुसले. यात गंभीर जखमी झालेल्या कंटेनर चालकाचा मृत्यू ( Bavdhan Accident News)झाला.
Dehuroad murder case : देहूरोड खून प्रकरणातील आरोपीला गुजरात मधून अटक
या अपघाताबाबत रोहित दिनेश अहिरे (३४, रा. कर्वेनगर) यांनी माहिती दिली. त्यानंतर पोलिसांनी घटनास्थळी धाव घेतली. अग्निशामक दल व जेसीबीच्या मदतीने चालकास बाहेर काढण्यात आले. अपघातामुळे महामार्गावर वाहतूक विस्कळित झाली होती. दरम्यान, अपघातग्रस्त वाहन बाजूला करण्यात आले. बावधन वाहतूक पोलिसांनी महामार्गावरील वाहतूक ( Bavdhan Accident News) सुरळीत केली.
