Team MyPuneCity – आजचे पंचांग. ज्येष्ठ शुक्ल सप्तमी, शके १९४७. वार – सोमवार. तारीख – ०२.०६.२०२५ (Rashi Bhavishya 2 June 2025). शुभाशुभ विचार – उत्तम दिवस.
आज विशेष – साधारण दिवस. राहू काळ – सकाळी ७.३० ते ९.००. दिशा शूल – पूर्वेस असेल. आज नक्षत्र – २२.५६ पर्यंत मघा नंतर पूर्वा फाल्गुनी. चंद्र राशी – सिंह.
—————————-
मेष- (शुभ रंग- राखाडी) Rashi Bhavishya 2 June 2025
कलाकारांनी आज आलेली कोणतीही संधी वाया घालवू नये. हौशी गृहिणी आज घर सजावटीसाठी मौल्यवान वस्तूंची खरेदी करतील. आनंदी दिवस
वृषभ (शुभ रंग- पांढरा)
जमीन खरेदी विक्रीच्या व्यवहारात फायदा होईल. आज नवोदित कलाकारांना कामासाठी भटकंती करावी लागेल. खेळाडूंना सराव वाढवावा लागणार आहे.
मिथुन (शुभ रंग – गुलाबी)
आपण उच्च अधिकारी असाल तर आज कोणत्याही कागदपत्रांवर सह्या करताना सतर्क रहा. अनोळखी व्यक्तींशी व्यवहार नकोच. घराबाहेर वाद टाळा.
कर्क ( शुभ रंग- चंदेरी)
आज तुमचे मनोबल उत्तम असेल. खर्च वाढला तरी आवकही मुबलक राहील. नेते मंडळी आज बेधडक वक्तव्य करतील. गोड बोलून स्वार्थ साधता येईल.
सिंह ( शुभ रंग- पिस्ता) Rashi Bhavishya 2 June 2025
आज तुमच्या वागण्यात इतरांना हट्टीपणा जाणवेल. महत्त्वाच्या चर्चेत तुम्ही आपल्या मतावर अडून बसाल. आज घरात जोडीदाराचे मत विचारात घ्या.
कन्या (शुभ रंग- क्रीम)
खर्चाचे प्रमाण मर्यादेबाहेर जाईल. जेष्ठांना काही आरोग्यविषयक चाचण्या करून घ्याव्या लागतील. उष्णतेच्या विकारांची वेळी दखल घेणे हिताचे.
तूळ (शुभ रंग- निळा)
आज राशीच्या लाभात चंद्र असताना पूर्वीच्या कष्टांचे फळ मिळण्याचा दिवस आहे. प्रगतीच्या मार्गातील अडथळे दूर होतील. एखादा अनपेक्षित लाभ संभवतो.
वृश्चिक ( शुभ रंग- हिरवा )
तरुण मंडळी ध्येयप्राप्तीकडे यशस्वी वाटचाल करतील. अधिकारी वर्गाला काही कठोर निर्णय घ्यावे लागतील. आज रिकाम्या गप्पांसाठी अजिबात वेळ नसणार आहे.
धनु (शुभ रंग- आकाशी) Rashi Bhavishya 2 June 2025
आज काही जणांचा गूढशास्त्राकडे कल वाढेल. ज्येष्ठ मंडळींना उपासनेची प्रचिती येईल. आज प्रयत्नांना दैव साथ देईल. जाणकारांचे मार्गदर्शन अवश्य घ्या.
मकर (शुभ रंग- तांबडा)
व्यवसायात फार मोठी रिस्क घेण्यासाठी आज दिवस योग्य नाही. नव्यानेच झालेल्या ओळखीत आर्थिक व्यवहार टाळावेत. आज जोडीदाराला लाभ होईल.
कुंभ ( शुभ रंग- स्ट्रॉबेरी)
व्यावसायिक मंडळींना तीव्र स्पर्धेचा सामना करावा लागणार आहे. विरोधक आज माघार घेतील. आज वैवाहिक जीवनात सुसंवाद राहील. आशादायी दिवस.
मीन ( शुभ रंग – मोरपंखी)
एखादा बरा झालेला आजार पुन्हा डोके वर काढण्याची शक्यता आहे. महत्त्वाकांक्षांना थोडा ब्रेक लावून आपल्या प्रकृतीकडेही लक्ष देणे गरजेचे आहे.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार.
9689165424
