Team MyPuneCity -येथील शाळा चौकातील श्री विठ्ठल मंदिर संस्थानच्या वतीने श्री गुरु वि ना तथा दादा महाराज साखरे यांच्या ८५ व्या पुण्यस्मरण सोहळ्यानिमित्ताने रविवार (दि १जून) ते रविवार दि ८ जून २०२५ पर्यंत विविध धार्मिक कार्यक्रमाचे ( Talegaon Dabhade) आयोजन करण्यात आले आहे.
रविवार (दि १ जून) रोजी पंचमवेद श्री संत तुकाराम महाराज गाथा पारायण उद्घाटन सोहळा व दीप प्रज्वलन उद्योजक प्रशांत यशवंत दाभाडे यांच्या हस्ते करण्यात येणार असून पारायणाचे नेतृत्व ह भ प नथुराम महाराज जगताप पाटील हे करणार आहेत हा कार्यक्रम रविवार दि ८ जून पर्यंत चालणार आहे.
दररोज पहाटे महापूजा, काकड आरती, पारायण सोहळा, चरित्र कथा, हरिपाठ, कीर्तन जागर आदी कार्यक्रम होणार आहेत. जगद्गुरु श्री संत तुकाराम महाराज यांचे जीवन चरित्र कथा ह भ प प्रकाश महाराज शिंदे हे कथन करणार आहेत.
Pune : थायलंडमध्ये शिवम गायकवाडचा डंका; आंतरराष्ट्रीय थाय बॉक्सिंग स्पर्धेत सुवर्णपदक
या सप्ताहात ह भ प यतिराज महाराज लोहोर, ह भ प ज्ञानेश्वर महाराज थोरात, ह भ प तुषार महाराज दळवी, ह भ प गणेश महाराज फरताळे, ह भ प दत्तात्रय महाराज जोशी, सच्चिदानंद महाराज कांबेकर, चिदंबरेश्वर महाराज साखरे यांची कीर्तने होणार आहेत.तर ह भ प डॉ यशोधन किसन महाराज साखरे यांच्या काल्याच्या कीर्तनाने कार्यक्रमाची सांगता होणार ( Talegaon Dabhade) आहे.
या सप्ताहात ज्ञानदान सेवा अशोक पांडुरंग भेगडे,विजय गणपत सुतार, डॉ अनिश शंकरनारायण भट,गोकुळ शशिकांत किरवे,मोहन तुकाराम जाधव,राजन शेखर गुंड,रोहित शेखर गुंड, सौ भागीरथीबाई खंडेराव गुंड विश्वस्त संस्था व समस्त गुंड परिवार तर अन्नदान सेवा द्वारकानाथ परशुराम थोरात, विक्रांत विठ्ठल बुट्टे पाटील, प्रशांत शामराव दाभाडे, कैलास वि सांडभोर,आनंदा मारुती रिकामे,वैभव बाळासाहेब कोतुळकर आदींकडून पुरवली जाणार आहे.
या कार्यक्रमाचे आयोजन विठ्ठल मंदिर संस्थानचे विश्वस्त ह भ प बाळकृष्ण आरडे, यतिनभाई शहा, प्रशांत दाभाडे,शामराव भेगडे, शेखर गुंड आदींनी केले ( Talegaon Dabhade) आहे.
