Team MyPuneCity –वडिलोपार्जित जमिनीच्या (Crime News)मालकी हक्कावरून झालेल्या वादात एका महिलेवर तिच्या दिर व जावेने एकत्र येत लाकडी दांडक्याने हल्ला केल्याची घटना उर्से गावात घडली.
फिर्यादी महिला (वय ३५, रा. उर्से, ता. मावळ, जि. पुणे) या २१ मे रोजी दुपारी ४ वाजता गट क्रमांक ४८२ या त्यांच्या कुटुंबाच्या जमिनीत गेल्या होत्या. त्यावेळी त्यांचे दीर विक्रम बंडू बनसोडे, माऊली बंडू बनसोडे आणि जाऊ संजना विक्रम बनसोडे यांनी त्यांना अडवले.
Talegaon: तळेगाव-वराळे रस्त्यावर भरधाव कारच्या धडक, दुचाकीस्वार दाम्पत्य गंभीर जखमी
वाद वाढल्यावर या तिघांनी एकत्र येऊन फिर्यादी महिलेवर शिवीगाळ करत लाकडी दांडक्याने मारहाण केली. त्यात त्यांच्या पाठीवर, खांद्यावर व पायावर गंभीर दुखापती झाल्या.
या प्रकरणी शिरगाव पोलीस ठाण्यात तिघांविरोधात गुन्हा दाखल करण्यात आला आहे. पोलीस अधिक तपास करत आहेत.
