Team MyPuneCity –पिंपरी चिंचवड शहर क्रिकेट असोसिएशनने आयोजित(Pimpri Chinchwad) केलेल्या १९ वर्षाखालील मुलींच्या पिंपरी चिंचवड क्रिकेट करंडक स्पर्धेत ऑल स्टार्स क्रिकेट अकॅडमीने उत्कृष्ट कामगिरी करत विजेतेपद पटकावले. स्पर्धेतील अंतिम फेरीत ऑल स्टार्स क्रिकेट अकॅडमीने स्कोअर स्पोर्ट्स क्रिकेट अकॅडमीला पराभूत करत ही ऐतिहासिक विजय मिळवला.
Kamshet News : कामशेत ग्रामस्थांकडून शासकीय जागेच्या मोजणीला विरोध; अधिकाऱ्यांना घेराव
PCMC : सेवानिवृत्तीनंतर अधिकारी, कर्मचाऱ्यांनी निरोगी आणि आनंददायी जीवन जगावे -तृप्ती सांडभोर
स्पर्धेच्या अंतिम सामन्यात, स्कोअर स्पोर्ट्स क्रिकेट अकॅडमीने २५ षटकांमध्ये ५ बाद १४१ धावा करत चांगली धावसंख्या उभारली. त्यानंतर ऑल स्टार्स क्रिकेट अकॅडमीने २३.२ षटकांत १ बाद १४३ धावा करत विजयी ठरले. या सामन्यात निहिरा शर्मा हिला सामनावीर म्हणून गौरवण्यात आले, आणि विजय कोतवाल यांच्या हस्ते तिला पारितोषिक देण्यात आले.
ऑल स्टार्स क्रिकेट अकॅडमीच्या विजयामुळे पिंपरी चिंचवड क्रिकेट करंडक स्पर्धेचे उद्घाटन आणि समारोप एका रोमांचक आणि ऐतिहासिक क्षणात झाला.
स्पर्धेतील प्रमुख स्थाने:
१. विजेते: ऑल स्टार्स क्रिकेट अकॅडमी
२. उपविजेते: स्कोअर स्पोर्ट्स क्रिकेट अकॅडमी
३. तृतीय स्थान: दिवेकर क्रिकेट अकॅडमी
सामनावीर पारितोषिक: निहिरा शर्मा (ऑल स्टार्स क्रिकेट अकॅडमी)
उत्कृष्ट फलंदाज: समीक्षा पवार (स्कोअर स्पोर्ट्स क्रिकेट अकॅडमी)
उत्कृष्ट गोलंदाज: अस्मिता शिंदे (स्कोअर स्पोर्ट्स क्रिकेट अकॅडमी)
अष्टपैलू खेळाडू: वैष्णवी म्हाळसकर (परंदवाल गर्ल्स)
स्पर्धेचा पारितोषिक वितरण समारंभ पिंपरी चिंचवड शहर क्रिकेट असोसिएशनचे सचिव राजू कोतवाल यांच्या हस्ते पार पडला. यावेळी उपसचिव विजयसिंह मोहिते, खजिनदार संजय शिंदे, सदस्य नरेंद्र कदम, युसूफ बऱ्हाणपुरे, मुकेश गुजराथी, प्रदीप वाघ, विजय कोतवाल आणि प्रवीण बनसोडे हे उपस्थित होते.
