Team My Pune City – शहरातील वाढती वाहतूक कोंडी (Kothrud Double Decker Bridge) कमी करण्यासाठी पुणे मेट्रोकडून नवे उपाय राबवले जात आहेत. याच पार्श्वभूमीवर पुणेकरांना लवकरच तिसरा डबल डेकर उड्डाणपूल मिळणार आहे. हा उड्डाणपूल कोथरुड डेपो परिसरात उभारला जाणार असून, तो वानवडी ते चांदनी चौक या मार्गाचा महत्त्वाचा भाग ठरेल. हा प्रकल्प पुणे मेट्रो फेज–२ च्या विस्ताराचा एक महत्वाचा टप्पा आहे.
सावित्रीबाई फुले विद्यापीठ आणि नळ स्टॉपनंतर कोथरुडमध्ये नवा पूल (Kothrud Double Decker Bridge)
महा-मेट्रोच्या माहितीनुसार, यापूर्वी सावित्रीबाई फुले पुणे विद्यापीठ चौक आणि नळ स्टॉप येथे डबल डेकर पूल उभारण्यात आले होते. या दोन्ही ठिकाणी वाहतूक कोंडीची मोठी समस्या होती, परंतु डबल डेकर पूल पूर्ण झाल्यानंतर वाहतूक व्यवस्थेत मोठ्या प्रमाणावर सुधारणा झाली. या यशस्वी मॉडेलचा वापर आता कोथरुडमधील उड्डाणपूलासाठीही केला जाणार आहे.
Ajit Pawar : निवडणुका जवळ आल्या की, आमच्यावर आरोप सुरू होतात -अजित पवार
वाहतूक आणि मेट्रोचा समन्वय — दुहेरी सुविधा एका मार्गावर (Kothrud Double Decker Bridge)
नव्या डबल डेकर पुलात एकाच मार्गावर वाहन वाहतूक आणि मेट्रो रेल्वे मार्ग असे दोन स्तर असतील. या प्रकल्पामुळे पौड रोड आणि चांदनी चौक परिसरातील वाहतुकीवरील ताण मोठ्या प्रमाणावर कमी होईल. या भागातील हजारो प्रवाशांना दररोजच्या ट्रॅफिकमधून सुटका मिळणार आहे.
Pallavitai Dabhade : वराळे-इंदोरी गटात पल्लवीताई दाभाडे यांच्या प्रचार दौऱ्याला उत्स्फूर्त प्रतिसाद
“भूसंपादनाशिवाय काम पूर्ण होईल” — अतुल गाडगीळ (Kothrud Double Decker Bridge)
महा-मेट्रोचे संचालक अतुल गाडगीळ यांनी सांगितले की,“कोथरुड परिसरात रस्त्याची पुरेशी रुंदी असल्याने या प्रकल्पासाठी कोणतेही भूसंपादन करावे लागणार नाही. त्यामुळे वाहतुकीला अडथळा न आणता काम पूर्ण करता येईल.”त्यांनी पुढे सांगितले की, सुरुवातीला महा-मेट्रोकडूनच निधी उपलब्ध करून देण्यात येईल, आणि आवश्यकतेनुसार पुणे महानगरपालिकेकडून आर्थिक मदत घेतली जाईल.
प्रकल्पाचा आराखडा — दोन मेट्रो स्थानके आणि 1.123 किमी उड्डाणपूल
या प्रकल्पाचा सुमारे ७०० मीटर मेट्रो मार्ग आधीच पूर्ण झाला आहे, तर १.१२३ किलोमीटर लांबीचे उर्वरित काम बाकी आहे.या उड्डाणपूलावर कोथरुड बस डेपो आणि चांदनी चौक येथे दोन मेट्रो स्टेशन उभारण्यात येणार आहेत. या भागात उभारण्यात येणारा पूल शहरातील तिसरा डबल डेकर उड्डाणपूल ठरणार आहे.
कोथरुडमधील हा तिसरा डबल डेकर उड्डाणपूल केवळ वाहतुकीचा प्रश्न सोडवणार नाही, तर शहराच्या मेट्रो नेटवर्कलाही नवे रूप देईल. पुणेकरांसाठी हा प्रकल्प म्हणजे वेग, सोय आणि विकास यांचा मिलाफ ठरणार (Kothrud Double Decker Bridge) आहे.
