Team My Pune City –सदाशिव पेठेतील चिमण्या गणपती चौकातील चव्हाण वाड्यात ( Fire News ) रविवारी रात्री अचानक आग लागली. सुदैवाने वाड्यातील रहिवासी वेळेत बाहेर पडल्याने मोठा अनर्थ टळला. अग्निशमन दलाच्या जवानांनी तातडीने पाण्याचा मारा करून अवघ्या अर्ध्या तासात आग नियंत्रणात आणली.
Rashi Bhavishya 20 Oct 2025 – कसा जाईल आपला आजचा दिवस?
चिमण्या गणपती चौक परिसरात दिवाळीच्या खरेदीसाठी मोठी गर्दी होती. रात्री आठच्या सुमारास वाड्याच्या छतावरील पालपाचोळ्याने पेट घेतला आणि काही क्षणांतच ज्वाळा भडकल्या. अचानक लागलेल्या आगीमुळे वाड्यात राहणाऱ्या चारही कुटुंबांनी तातडीने बाहेर पडून ( Fire News ) जीव वाचवला.
घटनेची माहिती मिळताच अग्निशमन दलाचे चार बंब आणि एक टँकर घटनास्थळी दाखल झाले. केंद्रप्रमुख संजय रामटेके यांच्या मार्गदर्शनाखाली उमेश शिंदे, संदीप घडशी, श्रीकांत बंड, निरंजन घोरपडे आणि सागर देवकुळे यांनी अथक प्रयत्न करून आग आटोक्यात ( Fire News ) आणली.
या आगीत वाड्याचा काही भाग जळून खाक झाला. आगीचे नेमके कारण स्पष्ट झालेले नसले तरी छतावर पडलेल्या फटाक्यामुळे आग लागली असावी, अशी शक्यता अग्निशमन दलाने ( Fire News ) व्यक्त केली आहे.
