Team My Pune City – तळेगाव स्टेशन परिसरातील(Talegaon) तळ्यात पुन्हा एकदा मृतदेह सापडल्याने परिसरात एकच खळबळ उडाली आहे. मंगेश उर्फ आदेश बोराटे (वय अंदाजे २२) असे मृत युवकाचे नाव असून, विशेष म्हणजे अवघ्या दोन दिवसांपूर्वी याच ठिकाणी २२ वर्षीय मुलीचा मृतदेह सापडला होता. सलग दोन मृतदेह एकच खळबळ उडाली आहे.
पोलीसांकडून मिळालेल्या माहितीनुसार, स्थानिक नागरिकांना तळ्यात एक तरंगता मृतदेह दिसला. त्यांनी तत्काळ तळेगाव पोलीस ठाण्यास याबाबत कळवले. घटनेची माहिती मिळताच पोलीस पथक घटनास्थळी दाखल झाले व मृतदेह बाहेर काढण्यात आला. मृताची ओळख आदेश बोराटे अशी पटली आहे. याआधी फक्त दोन दिवसांपूर्वी या तळ्यात एका तरुणीचा मृतदेह आढळून आला होता.
Alandi:आळंदीत हरितालिका पूजन उत्साहात
Majha Bappa Gharoghari: घरच्या गणरायाचे छायाचित्र पाठवा, जिंका 101 आकर्षक बक्षिसे!
सलग दोन घटनांमुळे परिसरात भीतीचे वातावरण निर्माण झाले असून,(Talegaon) मृत युवक व दोन दिवसांपूर्वी मृतावस्थेत सापडलेल्या तरुणीचा काही संबंध आहे का, ते एकमेकांना ओळखत होते का, आत्महत्या की काही वेगळे कारण आहे का, या सर्व बाबींचा तपास पोलीस करीत आहेत. मृतदेह शवविच्छेदनासाठी पाठविण्यात आला असून, त्यानंतर मृत्यूचे खरे कारण स्पष्ट होणार आहे.
घटनास्थळी पोलीस बंदोबस्त तैनात करण्यात आला असून, स्थानिक नागरिकांमध्ये याविषयी मोठी चर्चा सुरू आहे. या प्रकरणाचा सखोल तपास सुरू असल्याचे तळेगाव पोलिसांनी सांगितले.
