Team My Pune City –हत्या करण्यासाठी अपहरण करून (Wakad Crime News )लूटमार करत पुरावा नष्ट केल्याच्या गुन्ह्यात अटक असलेला आरोपी करोना कालावधीत पॅरोलवर कारागृहातून बाहेर आला. १९ महिन्यांची सुट्टी उपभोगल्यानंतर त्याने कारागृहात हजर राहणे अपेक्षित असताना तो पळून गेला. त्या आरोपीला तब्बल ३९ महिन्यांनी पकडण्यात वाकड पोलिसांना यश मिळाले आहे. नितीन शामराव समुद्रे (३८, भांबुर्डी वाडी, कुपवाड, सांगली. मूळ रा. जामखेड, जि. अहिल्यानगर) असे अटक केलेल्या आरोपीचे नाव आहे.
पोलीस उपायुक्त विशाल गायकवाड यांनी दिलेल्या माहितीनुसार, आरोपी नितीन याच्या विरोधात २०१० साली खुनासाठी अपहरण, जबरी चोरी, पुरावा नष्ट करणे अशा विविध कलमांखाली गुन्हा दाखल आहे. त्या गुन्ह्यात पुणे जिल्हा सत्र न्यायालयाने त्याला जन्मठेपेची शिक्षा सुनावली आहे. त्यानंतर तो डिसेंबर २०१९ पासून औरंगाबाद मध्यवर्ती कारागृहात शिक्षा भोगत होता. मार्च २०२० मध्ये करोना साथ आली. कैद्यांच्या सुरक्षेसाठी शासनाने काही कैद्यांना आकस्मिक रजेवर कारागृहातून बाहेर सोडले. त्यामध्ये नितीन समुद्रे याला देखील डिसेंबर २०२० मध्ये ४५ दिवसांच्या रजेवर सोडण्यात आले. त्यानंतर शासनाने या बंद्यांची ३० – ३० दिवस या प्रमाणे रजेत वाढ केली. नितीन समुद्रे याची करोना अभिवचन रजा मे २०२२ मध्ये समाप्त करण्यात आली. त्यानंतर त्याला कारागृहात परतण्याबाबत समजपत्र बजावण्यात आले. मात्र तो कारागृहात हजर न झाल्याने त्याच्या विरोधात वाकड पोलीस ठाण्यात गुन्हा दाखल करण्यात आला.
Chinchwad: चिंचवड येथील श्री मंगलमूर्तीची भाद्रपद यात्रा रविवारपासून
Vadgaon Maval: वारकरी नेेतृत्व गुण विकास कार्यकर्ता निवासी शिबीराची उत्साहात सांगता
२१ ऑगस्ट २०२५ रोजी वाकड पोलीस ठाण्यातील सहायक पोलीस निरीक्षक सुभाष चव्हाण, उपनिरीक्षक बिभीषण कन्हेरकर आणि त्यांचे पथक वाकड येथे गस्त घालत असताना त्यांना माहिती मिळाली कि, नितीन समुद्रे हा वाकड ब्रिजजवळ आला आहे. त्यानुसार पोलिसांनी सापळा लावून नितीन याला अटक करण्यात आली.
