Team My Pune City – येरवडा प्रादेशिक मानसिक रुग्णालयातून (Yerwada Mental Hospital) गेल्या पंधरवड्यात चार रुग्ण पळून गेले आहेत. या प्रकारांनंतर रुग्णालयातील चार वार्ड अटेंडंट आणि रात्रीच्या पाळीवरील दोन पोलिस शिपाई अशा एकूण सहा कर्मचाऱ्यांना निलंबित करण्यात आले आहे.
पहिली घटना 29 जुलै रोजी घडली. नांदेड येथील 37 वर्षीय रुग्ण (Yerwada Mental Hospital) पुरुष वार्डमधून पळून गेला. त्यानंतर अवघ्या तीन दिवसांनी, 1 ऑगस्ट रोजी, सोलापूर जिल्ह्यातील 35, 40 आणि 45 वर्षीय तिघा रुग्णांनी पळ काढला. यापैकी सोलापूरमधील तिन्ही रुग्ण नंतर आपल्या घरी परतले असले, तरी नांदेडमधील रुग्णाचा शोध अद्याप सुरू आहे. येरवडा पोलिसांनी गुन्हा नोंदवून शोधमोहीम सुरू ठेवली आहे.
Alandi : माऊलींच्या सुवर्ण महोत्सवी जन्मवर्षानिमित्त सुवर्ण कलशारोहणासाठी मुख्यमंत्र्यांना निमंत्रण
या घटनांनंतर 8 ऑगस्ट रोजी रुग्णालय प्रशासनाने कारवाई करत (Yerwada Mental Hospital) सहा कर्मचाऱ्यांना निलंबनाची कार्यवाही केली. तसेच दोन वरिष्ठ डॉक्टर आणि दोन वार्ड सहाय्यकांना कारणे दाखवा नोटीस बजावण्यात आली असून, स्पष्टीकरणासाठी त्यांना एक आठवड्याची मुदत देण्यात आली आहे. प्राथमिक चौकशीत रात्रीच्या पाळीत अपुरी मनुष्यबळ व्यवस्था, निकृष्ट देखरेख आणि सुरक्षाविषयक नियमांचे पालन न करणे हे पलायनामागील प्रमुख घटक असल्याचे निष्पन्न झाले आहे.
Rashi Bhavishya 14 August 2025 : कसा जाईल आपला आजचा दिवस?
शिस्तभंगाच्या कारवाईची पुष्टी करताना पुणे विभागाचे कार्यवाहक उपसंचालक (आरोग्य) डॉ. नागनाथ येमपल्ले म्हणाले, “संरक्षण भिंतीचा अभाव आणि कर्मचाऱ्यांची निष्काळजीपणा हे या घटनांमागील महत्त्वाचे कारण असल्याचे स्पष्ट झाले (Yerwada Mental Hospital) आहे.”
