Team My pune city –खेड तालुक्यातील पाईट गावातील महिला पिकअप वाहनातून( Khed Accident) श्री क्षेत्र कुंडेश्वर येथे श्रावणी सोमवार निमित्त दर्शनासाठी जात होत्या. मंदिरापासून तीन किलोमीटर अंतरावर पिकअप रस्त्याच्या बाजूला असलेल्या २५ ते ३० फूट खोल दरीत पलटी झाले. या अपघातात आठ महिलांचा मृत्यू झाला असून २१ महिला जखमी झाल्या आहेत.
शोभा जनेश्वर पापळ, सुमन काळुराम पापळ, शारदा रामदास चोरघे, शकुंतला तानाजी चोरघे, मंदा कानिफ दरेकर, संजीवनी कैलास दरेकर, मीराबाई संभाजी चोरघे, बायडाबाई दरेकर अशी मृत्यू झालेल्या महिलांची नावे आहेत. तर चित्रा शरद करंडे, चंद्रभागा दत्तात्रय दरेकर, मंदा चांगदेव पापळ, लक्ष्मी चंद्रकांत कोळेकर, कलाबाई मल्हारी लोंढे, कविता सारंग चोरघे, सिद्दीकी रामदास चोरघे, छबाबाई निवृत्ती पापळ, मनीषा दरेकर, जनाबाई करंडे, फसाबाई सावंत, सुप्रिया लोंढे, सुलोचना कोळेकर, मंगल शरद दरेकर, लता करडे, निशांत लोंढे, ऋषिकेश करंडे अशी मृत्यू झालेल्यांची नावे आहेत.
Kasba Ganpati : मानाच्या पहिल्या श्री कसबा गणपतीच्या चांदीच्या मूर्तीची विधिवत पूजा संपन्न
Kranti Din : क्रांतिकारक हुतात्मा विष्णू पिंगळे यांना अभिवादन!
पाईट गावातील ३०-३५ महिला श्रावणी सोमवार निमित्त ११ ऑगस्ट रोजी सकाळी पाईट गावापासून पाच किलोमीटर अंतरावर असलेल्या श्री क्षेत्र कुंडेश्वर येथे दर्शनासाठी पिकअप (एमएच १४/जीडी ७२९९) जात होत्या. गावापासून दोन किलोमीटर अंतरावर गेल्यानंतर पिकअप चालकाचे नियंत्रण सुटले आणि पिकअप २५ ते ३० फूट खोल दरीत कोसळले. हा मार्ग अतिशय रहदारीचा आहे. खेड तालुक्यातील अनेक भाविक पाईट गावातून श्री क्षेत्र कुंडेश्वर येथे दर्शनासाठी जात असतात. पिकअप पलटी झाल्यानंतर रस्त्याने जाणाऱ्या भाविकांनी तात्काळ जखमींना बाहेर काढून खासगी वाहनातून जवळच्या रुग्णालयात दाखल केले. मात्र सात महिलांचा उपचारापूर्वीच मृत्यू झाला. तर एका महिलेचा उपचारादरम्यान मृत्यू झाला. मृत्यूचा आकडा वाढण्याची शक्यता वर्तवली जात आहे.
