Team My Pune City – मराठवाडा जनविकास संघाचे संस्थापक अध्यक्ष आणि पर्यावरण रक्षणासाठी झटणारे वृक्षमित्र अरुण पवार यांना त्यांच्या उल्लेखनीय कार्याबद्दल वृक्षमित्र पुरस्काराने सन्मानित करण्यात आले. केंद्रीय मंत्री व खासदार मुरलीधर मोहोळ यांच्या हस्ते दलित पँथर संघटनेच्या वतीने हा पुरस्कार प्रदान करण्यात आला.
पद्मश्री नामदेवराव ढसाळ यांनी स्थापन केलेल्या दलित पँथर संघटनेच्या 53 व्या वर्धापन दिनानिमित्त बालगंधर्व रंगमंदिर, पुणे येथे पार पडलेल्या कार्यक्रमात हा सत्कार सोहळा झाला. यावेळी यशवंत नडगम आदी उपस्थित होते.
अरुण पवार यांनी पुरस्कार स्वीकृत करताना सांगितले की, “गेल्या 13 वर्षांत 25 हजारांहून अधिक झाडे जाळीसह लावली आहेत व त्यांचे संरक्षणही केले आहे. गरजूंना 5 फूट उंचीची रोपे मोफत देतो. तसेच ज्या झाडांना पाण्याची आवश्यकता आहे, अशा ठिकाणी टँकरद्वारे पाणी देऊन झाडांचे संवर्धन करतो.”
Vrukshamitra Award
