कोयता गँग, ड्रग्ज माफिया, ड्रग्ज उत्पादक कंपन्या यांनाही ‘मोका’च्या कक्षेत आणून कठोर कारवाई करा – आमदार शंकर जगताप
Team My pune city – राज्यातील वाढत्या संघटित गुन्हेगारीला आळा घालण्यासाठी महाराष्ट्र विधानसभेत मांडण्यात आलेल्या महाराष्ट्र संघटित गुन्हेगारी नियंत्रण अधिनियम 1999 (MCOCA) सुधारणा विधेयक क्रमांक ७७ – २०२५ वर चर्चा होत ( MLA Shankar Jagtap) असताना, पिंपरी-चिंचवडचे आमदार शंकर जगताप यांनी अत्यंत ठाम आणि स्पष्ट भूमिका मांडली. त्यांनी शहरातील कोयता गँग, गाड्यांचे काचा फोडणे, उपद्रव करणारी टोळकी, ड्रग्ज माफिया, ड्रग्ज उत्पादक कंपन्या, अशा गुन्हेगारांना संघटित गुन्हेगारीच्या परिघात आणून कठोर कारवाई होणे आवश्यक आहे, अशी आग्रही मागणी केली.
Pune Metro : मनसेच्या आंदोलनाच्या इशाऱ्याने मेट्रो प्रशासनाला जाग, रस्ता दुरुस्तीचे काम घेतले हाती
विधानसभेत बोलताना आमदार जगताप म्हणाले, “पुणे परिसरात गेल्या काही वर्षांपासून कोयता गँगसारख्या टोळ्यांचे प्रमाण वाढले आहे. त्यांचा समाजात भीती निर्माण करण्याचा उद्देश असतो. वाहनांची काचा फोडणे, रस्त्यावर उपद्रव करणे, सामान्य नागरिकांच्या सुरक्षिततेला आव्हान निर्माण करणारे हे प्रकार आता क्षम्य राहिलेले नाहीत.”
औषधांच्या नावाखाली अमली पदार्थांचे उत्पादन करणाऱ्या केमिकल कंपन्यांकडेही त्यांनी लक्ष वेधले.”अशा कंपन्या जर प्रत्यक्ष किंवा अप्रत्यक्षपणे ड्रग्ज तयार करत असतील, तर त्यांनाही या सुधारित कायद्याच्या कक्षेत आणून पोलीस यंत्रणा व अन्न-औषध प्रशासनाने संयुक्तपणे कठोर कारवाई करावी,” अशी जोरदार मागणी त्यांनी ( MLA Shankar Jagtap) केली.
Rashi Bhavishya 10 July 2025 : कसा जाईल आपला आजचा दिवस?
आमदार शंकर जगताप यांनी राज्य सरकारने मांडलेल्या या सुधारित विधेयकाचे उत्स्फूर्त समर्थन केले. “या कायद्यामुळे संघटित गुन्हेगारीविरोधात अधिक परिणामकारक पद्धतीने लढा देता येईल. राज्यातील लाखो कुटुंबांचे भविष्य आणि तरुण पिढीची दिशा यावर या निर्णयाचा मोठा प्रभाव पडेल,” असा विश्वास त्यांनी व्यक्त केला.
मुख्यमंत्री देवेंद्र फडणवीस यांनी या कायद्यातील सुधारणेच्या माध्यमातून घेतलेला निर्णय धाडसी व विधायक असल्याचे सांगत, “राज्य सरकारने योग्य वेळी कडक पावले उचलून समाजाला भयमुक्त करण्याची दिशा दाखवली आहे. त्याबद्दल मी मुख्यमंत्री देवेंद्र फडणवीस यांचे अभिनंदन करतो,” असे शंकर जगताप ( MLA Shankar Jagtap) म्हणाले.
