अनधिकृत चर्चवर तातडीने कारवाई करू – बावनकुळे
Team My pune city –पिंपरी-चिंचवड महापालिका क्षेत्रातील काळेवाडी परिसरात ‘जीजस इज लॉर्ड’ या नावाने एक अनधिकृत चर्च सुरू आहे. या प्रकारासारखीच अनेक चर्चेस शहरात अनधिकृतपणे कार्यरत असून, स्थानिक प्रशासनाने वारंवार अर्ज व निवेदने दिल्यानंतरही अद्याप कोणतीही ठोस कारवाई केली नाही, असा आरोप आमदार शंकर जगताप यांनी विधानसभेत उपस्थित करत सरकारचे लक्ष वेधले.
जगताप म्हणाले, “पिंपरी-चिंचवड महानगरपालिकेच्या हद्दीतील काळेवाडी भागात ‘जीजस इज लॉर्ड’ नावाने एक अनधिकृत चर्च सुरू असून, अशा प्रकारची बरीच चर्चेस चिंचवड विधानसभा मतदारसंघासह संपूर्ण शहरात परवानगीशिवाय चालू आहेत. याबाबत वेळोवेळी प्रशासनाला माहिती देऊनही कारवाई झालेली नाही. हे प्रकार धर्मांतराच्या दृष्टीने गंभीर असून, सरकारने याकडे गांभीर्याने पाहावे.”
Maval: शॉर्टसर्कीटच्या आगीत दोघे गंभीर भाजले, उपचारादरम्यान दोघांचा मृत्यू
Sanatan Sanstha : सनातन संस्थेच्यावतीने देशभरात ७७ ठिकाणी, तर चिंचवड आणि तळेगाव येथे ‘गुरुपौर्णिमा महोत्सव’ होणार !
या लक्षवेधी सूचनेला उत्तर देताना राज्याचे ऊर्जा मंत्री चंद्रशेखर बावनकुळे यांनी स्पष्ट आश्वासन दिले की, “अनधिकृत चर्चवर तातडीने कारवाई करण्यात येईल.”
या मुद्यावरून शहरात अनधिकृत धार्मिक स्थळांबाबत प्रशासनाची भूमिका आणि कार्यपद्धती यावर प्रश्नचिन्ह निर्माण झाले असून, आमदार जगताप यांनी उचललेल्या या मुद्द्यामुळे धर्मांतरासारख्या संवेदनशील विषयाची चर्चा पुन्हा ऐरणीवर आली आहे. आता प्रशासनाकडून कोणती पावले उचलली जातात, याकडे नागरिकांचे लक्ष लागले आहे.
