Team My Pune City – पुण्यातील बाणेर आणि विमानतळ भागात स्पा सेंटरच्या ( Raid on spa center) नावाखाली वेश्याव्यवसाय सुरू असल्याचा प्रकार उघडकीस आला आहे. या प्रकरणी पुणे पोलिसांनी स्पा सेंटरवर छापा टाकला. या छाप्यात 18 मुलींची सुटका करण्यात आलीय. यातील 10 पेक्षा जास्त मुली या परदेशी नागरिक असल्याचं आढळून आलंय. स्पा सेंटरच्या नावाखाली वेश्याव्यवसायाचा पर्दाफाश झाल्यानं पुण्यात खळबळ उडालीय.
याबाबत मिळालेली माहिती अशी की, पुण्यातील बाणेर आणि विमानतळ परिसरात स्पा सेंटरच्या नावाखाली वेश्याव्यवसाय चालू असल्याची माहिती पोलिसांना मिळाली होती. पोलिसांनी मसाज सेंटरवर छापा टाकत कारवाई केली. यात विमानतळ परिसरातील स्पा सेंटरमधून 16 मुलींची सुटका केली. यातल्या 10 मुली परदेशी तर 2 भारतीय आहेत. स्पा सेंटरच्या जागा मालकासह स्पा सेंटर मालक आणि मॅनेजरवर कारवाई करण्यात आलीय. तर दुसऱ्या कारवाईत 2 मुलींची सुटका केलीय. बाणेर परिसरात ( Raid on spa center) हा स्पा होता.
पोलिसांनी या प्रकरणी किरण उर्फ अनुराधा बाबूराव आडे या महिलेला अटक केलीय. 28 वर्षीय किरणवर पीटा कायदा, पोक्सो कायद्यांतर्गत गुन्हा दाखल केला आहे. सुटका करण्यात आलेल्या तरुणीमध्ये दोन अल्पवयीन मुलींचा समावेश आहे.किरण आडे ही स्पा सेंटरची मालक आणि व्यवस्थापक होती असं तपासात समोर आलंय. तिनं तीन तरुणींसह गरीब कुटुंबातल्या दोन अल्पवयीन मुलींना काम देण्याचे आमिष दाखवलं. जास्त मोबदला देऊ असं सांगत वेश्याव्यवसायात ढकलल्याचा आरोप ( Raid on spa center) किरणवर आहे.
