Team My Pune City -देशी बनावटीच्या तीन पिस्तुलांसह सहा काडतुसे अशा शस्त्रसाठ्यासह सराईताला गुन्हे शाखेच्या अमली पदार्थ विरोधी पथकाने पकडले आहे.ते ही पिस्तूल विक्रीसाठी घेऊन आला होता. मुंबई-बंगळुरू बाह्यवळण मार्गावर ही कारवाई ( Katraj Crime News )करण्याात आली.
Policeman’s Suicide : स्वारगेट पोलीस वसाहतीत पोलिसाची गळफास घेत आत्महत्या
चंद्रशेखर उर्फ शेखर विठोबा ठोंबरे (वय 27, रा. संतोषनगर, कात्रज) असे अटक करण्यात आलेल्याचे नाव आहे. गुन्हे शाखेचे अमली पदार्थ विरोधी पथक मुंबई-बंगळुरु बाह्यवळण मार्ग परिसरात गस्त घालत होते. त्या वेळी वडगाव बुद्रुक परिसरात सराइत गुन्हेगार शेखर ठोंबरे थांबला असून, त्याच्याकडे देशी बनावटीचे पिस्तूल असल्याची माहिती पोलीस कर्मचारी दयानंद तेलंगे-पाटील यांना मिळाली. पोलिसांनी सापळा लावून त्याला ताब्यात घेतले. त्याची झडती घेण्यात आली. तेव्हा त्याच्याकडे देशी बनावटीची तीन पिस्तुले, तसेच सहा काडतुसे सापडली. तो पिस्तुलांची कोणाला विक्री करणारा होता, यादृष्टीने तपास करण्यात येत आहे. त्याच्याविरुद्ध सिंहगड रस्ता पोलीस ठाण्यात बेकायदा शस्त्र बाळगल्याप्रकरणी गुन्हा दाखल करण्यात( Katraj Crime News ) आला.
Mahavitran : पवन मावळातील विजेचा लपंडाव झाला असह्य; संतप्त ग्रामस्थांचा शाल-श्रीफळ देत महावितरण अधिकाऱ्यांना इशारा
गुन्हे शाखेचे अतिरिक्त पोलीस आयुक्त पंकज देशमुख, उपायुक्त विवेक मासाळ, सहायक आयुक्त गणेश इंगळे यांच्या मार्गदर्शनाखाली पोलीस निरीक्षक प्रशांत अन्नछत्रे, सहायक निरीक्षक अनिल सुरवसे, पोलीस कर्मचारी प्रवीण उत्तेकर, विनायक साळवे, दयानंद तेलंगे-पाटील, सर्जेराव सरगर, सचिन माळवे, संदीप शिर्के, मारुती पारधी, विशाल दळवी यांनी ही कारवाई ( Katraj Crime News ) केली.
